Jaqynda memleket basshysy Qasym-Jomart Toqaevtyń qatysýymen Ishki ister ministrliginde keńeitilgen alqa otyrysy ótken edi. Munda prezident politseilerdiń jumysyn qatań synǵa alyp, olardyń alǵa qoiǵan negizgi mindetteri týraly aitty. Osy tusta birqatar telegram arnalar Erjan Sádenovtiń qyzmetinen ketýi múmkin ekenin jarysa jazǵan bolatyn, dep habarlaidy Dalanews.kz.
Alqa otyrysynda qandai máseleler qozǵaldy?
Jiyn barysynda memleket basshysy qylmystyń jekelegen túrleriniń ósip jatqanyn aityp, óńirlik politsiia departamentterine sógis jariialaǵan. Qala berdi áriptesterine aldaǵy attestatsiia týraly eskertip, biyl ministrlik kadr sapasyn arttyrýǵa erekshe den qoiatynyn málimdegen.
Sonymen qatar prezident Ishki ister ministrligi basshylaryn rotatsiialaý máselesin de qozǵaǵan.
Osy tusta, Ishki ister ministri Erjan Sádenovtiń jumysyna nashar baǵa berilgen edi. Sol sebepti aldaǵy ýaqytta bul qyzmetke ministr orynbasary qyzmetin atqaryp júrgen, úlken tájiribesi men basqarýshy retinde bedeli bar Igor Lepeha taǵaiyndalýy múmkin.
Toqaev mundai sheshimge kelýin sońǵy ýaqytta politsiia qyzmetkerleriniń arasynda qylmys faktileriniń kóbeiýimen bailanystyrdy. Al qaramaǵyndaǵylarǵa óz kezeginde basshy retinde Sádenov jaýapty bolatyn. Júktelgen jaýapkershilikti júieli atqara almaǵandyqtan ol qazirgi orynyn bosatyp, Almaty politsiia departamentiniń basshylyq qyzmetine aýysýy múmkin.
Al Almatynyń qazirgi bas politseii Arystanǵani Zapparov Ishki ister ministriniń orynbasary retinde burynǵy laýazymyna qaita oralý múmkindigi bar.
Eske salaiyq, 2023 jyly 2 qyrkúiekte Memleket basshysynyń Jarlyǵymen Erjan Saparbekuly Sádenov Qazaqstan Respýblikasynyń Ishki ister ministri laýazymyna taǵaiyndalǵan bolatyn.
Kollaj: Dalanews.kz
