Qasym-Jomart Toqaev Resei Prezidenti Vladimir Pýtinge Kaspii teńizindegi oqý-jattyǵý kezinde qazaqstandyq áskeri qyzmetshilerdiń qaza tabýyna bailanysty kóńil aitqany úshin rizashylyǵyn bildirdi, dep habarlaidy dalanews.kz.
Memleket basshysy el úshin osyndai aýyr sátte Qazaqstan Resei kóshbasshysy men halqynyń shynaiy tilektestigin jáne qoldaýyn erekshe baǵalaitynyn atap ótti.
Aita keteiik, premer-ministrdiń orynbasary Qanat Bozymbaev bastaǵan úkimettik komissiia Mańǵystaý oblysynda tótenshe jaǵdai bolǵan jerde jumys istep jatyr.
Naqtylanǵan málimetke sáikes oqý-jattyǵý, jaýyngerlik tapsyrmany oryndaý kezinde aýa raiy kúrt nasharlap, jel kúsheiýine bailanysty 17 adam sýǵa ketken. Onyń 12-si qaza taýyp, úsh áskeri qyzmetshi qutqaryldy. Qalǵan eki áskeri qyzmetshini izdestirý jumystary jalǵasyp jatyr.
