Memleket basshysy Qasym-Jomart Toqaev 2025 jyly 15 sáýirde Eýraziialyq damý bankiniń basqarma tóraǵasy Nikolai Podgýzovty qabyldady, dep habarlaidy Dalanews.kz Aqordanyń baspasóz qyzmetine silteme jasap.
Qasym-Jomart Toqaev EADB basshysymen kezdesip, halyqaralyq qarjy institýtynyń jumys nátijesi men aldaǵy josparyn talqylady.
2024 jyldyń qorytyndylary:
- bank Qazaqstan ekonomikasyna 1,4 mlrd dollar qarjy saldy;
- investitsiia portfelindegi qazaqstandyq jobalardyń úlesi 60%-ǵa jetti.
Investitsiia:
- bank elimizge 2022-2026 jyldarǵa arnalǵan strategiia aiasynda 3,8 mlrd dollar investitsiia quiý josparyn merziminen buryn oryndady.
2025 jylǵa jospar:
- jalpy somasy 4,5 mlrd dollardan asatyn jobalar usynyldy;
- myna salalarǵa 1 mlrd dollardan astam investitsiia salý kózdelgen:
- energetikalyq nysandardy jańǵyrtý;
- jańartylatyn energiia kózderi;
- kólik jáne logistika salalaryn damytý;
- respýblikalyq mańyzy bar joldardy jóndeý;
- infraqurylym nysandarynyń qurylysy;
- ónerkásip jáne tsifrlyq tehnologiialar.
Qarjy naryǵyn damytý
Nikolai Podgýzov EADB seriktestermen jáne kópjaqty uiymdarmen tyǵyz qarym-qatynasta jumys istep, sondai-aq ózderi uiymdastyratyn halyqaralyq is-sharalar arqyly Qazaqstannyń qarjy naryǵyn damytý jáne investitsiia tartý isine belsendi atsalysýǵa nietti ekenin aitty.
Memleket basshysy banktiń Qazaqstan ekonomikasyn damytýǵa qosqan úlesin joǵary baǵalap, yntymaqtastyqty odan ári nyǵaitýǵa beiil ekenin rastady.
Aita ketsek, Eýraziialyq damý banki – investitsiialyq qyzmetin Eýraziia keńistiginde júrgizetin kópjaqty damý banki. Shtab-páteri Almaty qalasynda ornalasqan. 2025 jylǵy jaǵdai boiynsha, EADB portfeline jalpy investitsiia somasy 16,5 mlrd dollardy quraityn 305 joba engen. Negizgi baǵyttary: kólik infraqurylymy, tsifrlandyrý, jasyl energetika, aýyl sharýashylyǵy, ónerkásip jáne mashina jasaý.
