Áser Erǵaliev jańa qyzmetke taǵaiyndaldy, dep habarlaidy Dalanews.kz.
- Memleket basshysynyń Jarlyǵymen Áset Armanuly Erǵaliev Qazaqstan Respýblikasy Strategiialyq josparlaý jáne reformalar agenttiginiń tóraǵasy bolyp taǵaiyndaldy, ol burynǵy atqarǵan laýazymynan bosatyldy, delingen habarlamada.
1986 jyly 18 maýsymda Qostanai qalasynda dúniege kelgen. Úilengen, eki balasy bar.
Negizgi mamandyǵy - ekonomist. Qazaq, orys, aǵylshyn jáne nemis tilderin meńgergen. 2008 jyly Qazaqstandyq menedjment, ekonomika jáne boljamdaý institýtyn (QMEBI) memlekettik saiasat ekonomikasy salasynda bakalavr dárejesimen, sondai-aq halyqaralyq almasý baǵdarlamasy aiasynda Shvetsiiadaǵy Halyqaralyq Ionkoping biznes mektebin halyqaralyq ekonomika salasynda ǵylym bakalavry dárejesimen bitirgen. 2009 jyly Ulybritaniiadaǵy Iork ýniversitetin ekonomikadaǵy ǵylym magistri dárejesimen támamdaǵan. 2010 jyly Ulybritaniiadaǵy Nottingem ýniversitetin aiaqtaǵan.
2018 jylǵy qyrkúiekten 2019 jylǵy naýryzǵa deiin Ulttyq ekonomika vitse-ministri, 2019 jylǵy naýryz-tamyz aralyǵynda premer-ministri keńsesi basshysynyń orynbasary, 2019 jylǵy tamyzdan 2021 jylǵy qańtarǵa deiin Ulttyq ekonomika birinshi vitse-ministri, 2021 jylǵy qańtardan 2022 qańtarǵa deiin Ulttyq ekonomika ministri qyzmetin atqarǵan.
2022 jylǵy 6 qańtardan bastap 2023 jylǵa deiin Qazaqstan Respýblikasynyń Strategiialyq josparlaý jáne reformalar agenttiginiń tóraǵasy bolǵan.
