Memleket basshysy "CNPC" korporatsiiasy Direktorlar keńesiniń tóraǵasy Van Ilindi qabyldady, dep habarlaidy Dalanews.kz Aqordaǵa silteme jasap.
Qazaqstan Prezidenti qazaq-qytai arasyndaǵy tatý kórshilik qarym-qatynastardyń qarqyndy damyp kele jatqanyn, sondai-aq, elimizdiń áleýmettik-ekonomikalyq órleýine "CNPC" kompaniiasynyń qosqan úlesin joǵary baǵalady.
– "CNPC" kompaniiasy munai óndirý, óńdeý, kómirsýtegin tasymaldaý salalarynda eńbek etedi. Sizdiń korporatsiia júzege asyryp jatqan jobalar Qazaqstan ekonomikasynda asa mańyzdy ról atqarady, – dedi Qasym-Jomart Toqaev.
Prezident "CNPC" basshylyǵynyń aldyna qazaqstandyq jumysshylardyń jalaqysyn kóterýge, olardyń ailyǵyn sheteldik jumysshylarǵa tólenetin eńbekaqy deńgeiimen teńestirýge, sondai-aq, taýar satyp alý jáne qyzmet kórsetý isinde qazaqstandyq ónimniń úlesin arttyrýǵa bailanysty birqatar mindet qoidy.
Van Ilin Qasym-Jomart Toqaevqa qoldaý kórsetkeni úshin alǵys aityp, ózara tiimdi yntymaqtastyqty odan ári damytýǵa qatysty kompaniianyń aldyna qoiylǵan mindetterge túsinistikpen qaraitynyn jetkizdi.
