مەملەكەت باسشىسى "CNPC" كورپوراسياسى ديرەكتورلار كەڭەسىنىڭ ءتوراعاسى ۆان ءيليندى قابىلدادى، دەپ حابارلايدى Dalanews.kz اقورداعا سىلتەمە جاساپ.
قازاقستان پرەزيدەنتى قازاق-قىتاي اراسىنداعى تاتۋ كورشىلىك قارىم-قاتىناستاردىڭ قارقىندى دامىپ كەلە جاتقانىن، سونداي-اق، ەلىمىزدىڭ الەۋمەتتىك-ەكونوميكالىق ورلەۋىنە "CNPC" كومپانياسىنىڭ قوسقان ۇلەسىن جوعارى باعالادى.
– "CNPC" كومپانياسى مۇناي ءوندىرۋ، وڭدەۋ، كومىرسۋتەگىن تاسىمالداۋ سالالارىندا ەڭبەك ەتەدى. ءسىزدىڭ كورپوراسيا جۇزەگە اسىرىپ جاتقان جوبالار قازاقستان ەكونوميكاسىندا اسا ماڭىزدى ءرول اتقارادى، – دەدى قاسىم-جومارت توقايەۆ.
پرەزيدەنت "CNPC" باسشىلىعىنىڭ الدىنا قازاقستاندىق جۇمىسشىلاردىڭ جالاقىسىن كوتەرۋگە، ولاردىڭ ايلىعىن شەتەلدىك جۇمىسشىلارعا تولەنەتىن ەڭبەكاقى دەڭگەيىمەن تەڭەستىرۋگە، سونداي-اق، تاۋار ساتىپ الۋ جانە قىزمەت كورسەتۋ ىسىندە قازاقستاندىق ءونىمنىڭ ۇلەسىن ارتتىرۋعا بايلانىستى ءبىرقاتار مىندەت قويدى.
ۆان يلين قاسىم-جومارت توقايەۆقا قولداۋ كورسەتكەنى ءۇشىن العىس ايتىپ، ءوزارا ءتيىمدى ىنتىماقتاستىقتى ودان ءارى دامىتۋعا قاتىستى كومپانيانىڭ الدىنا قويىلعان مىندەتتەرگە تۇسىنىستىكپەن قارايتىنىن جەتكىزدى.
