Sońǵy alty jylda, ıaǵnı Qasym-Jomart Toqaev prezıdenttikke kelgen 2019 jyldan beri Qazaqstanda 182 adamǵa general sheni berildi. Bul — elimizdiń joǵary áskerı jáne arnaýly qyzmet júıesinde úlken qozǵalys bolǵanyn kórsetedi. Bul týraly saıasattanýshy Danıar Áshimbaev jazdy, dep habarlaıdy Dalanews.kz.
Resmı túrde general sheninen aıyrylǵandar da bar (mysaly, Kárim Másimov), alaıda ondaı buıryqtar eshqashan jarıalanǵan emes.
Jyl saıyn qansha general sheni berildi?
Toqaevtyń kadrlyq sheshimderiniń hronologıasyna kóz júgirtsek, mynadaı kórsetkishter baıqalady:
Mamyr 2019: 6 general-leıtenant, 21 general-maıor;
Mamyr 2020: 6 general-leıtenant, 16 general-maıor;
Mamyr 2021: 2 general-leıtenant, 22 general-maıor;
Mamyr 2022: 2 general-polkovnık, 5 general-leıtenant, 35 general-maıor;
Qazan 2022: 1 general-polkovnık, 3 general-leıtenant, 11 general-maıor;
Mamyr 2023: 4 general-leıtenant, 30 general-maıor;
Mamyr 2024: 1 general-polkovnık, 3 general-leıtenant, 23 general-maıor;
Mamyr 2025: 1 general-leıtenant, 24 general-maıor.
Birneshe márte shen alǵandar
Prezıdent Toqaevtyń qolynan eki ret joǵary shen alǵan 8 laýazymdy tulǵa bar. Olardyń ishinde qazirgi jáne burynǵy quqyq qorǵaý, arnaıy qyzmet, ádilet júıesiniń ókilderi bar:
Berik Asylov: ádilettiń 2-klass keńesshisi (2020), 1-klass keńesshisi (2024);
Marat Ahmetjanov: ádilettiń 2-klass keńesshisi (2019), polısıa general-polkovnıgi (2022);
Oljas Bektenov: 3-sanattaǵy joǵary biliktilik klasy (2020), Sybaılas jemqorlyqqa qarsy qyzmettiń general-leıtenanty (2022);
Iýrıı Ilın: general-maıor (2020), general-leıtenant (2022);
Ǵızat Nurdáýletov: ádilettiń 2-klass keńesshisi (2019), 1-klass keńesshisi (2022);
Ermek Saǵymbaev: SGO general-maıory (2020), UQK general-leıtenanty (2022);
Erjan Sadenov: polısıa general-maıory (2020), polısıa general-leıtenanty (2023);
Qaırat Súntaev: 3-sanattaǵy joǵary biliktilik klasy (2019), polısıa general-leıtenanty (2022).
Olardyń ishinde ekeýi qyzmetten ketken, al qalǵan altaýy qazirgi tańda prezıdenttiń «gvardıasy» — yqpaldy ári senimdi sheneýnikter sheńberinde sanalady.
