– Árine, bastapqyda beibit sherýler boldy. Muny bárimiz kórdik. Elimizdiń ár aimaǵynda azamattar alańǵa jinalyp, óz talaptaryn aitty, tipti, narazylyqtaryn bildirdi.
Shynyn aitsaq, áýelde eshqandai qiratý, qylmystyq áreketter bolǵan joq. Biraq, jaǵdai keiin múldem basqa arnaǵa burylyp ketti. Arandatýshylar men qaraqshylar paida boldy. Olardyń shynaiy maqsaty beibit mitingige qatysý emes, bilikke shabýyl jasaý boldy.
Bir sózben aitqanda, sońyna qarai alańǵa naǵyz lańkester shyqty. Búlikshiler myńdaǵan qarý-jaraqty urlap ketti. Qazirgi ýaqytta politsiia olardy izdep jatyr. Ázirge túgeldei tabylǵan joq. Buzaqylar sol qarýdan taǵy da adam atýy ábden múmkin. Sonda muny kim istedi degen suraq týady? Kim jasady? Beibit sherýge shyqqandar ma? Shyn máninde, bul – kásibi qaraqshylardyń isi, – dedi.
Budan keiin Prezident buzaqy toptardyń arasynda beibit sherýshilerdi bólip alýymyz kerek ekenin tilge tiek etti.
– Arnaiy daiyndyqtan ótken qylmystyq toptar, lańkester oqiǵanyń bel ortasynda júrip, qaraqshylardy, quqyq buzýshylardy basqardy. Árine, buzaqy toptardyń arasynda beibit azamattar da boldy. Endi, olardy, lańkesterden, qaraqshylardan bólip alýymyz kerek. Bul – óte kúrdeli másele. Munyń bárin tergeý jumystary anyqtaidy.
Jalpy, myna nárseni durys túsinýimiz kerek. Alańda shyqqandardyń bárin túgel beibit sherýshi dep aitýǵa bolmaidy. Bul eshqandai aqylǵa syimaityn nárse. Kózi ashyq, ary taza adam mundai jalǵan tujyrymǵa eshqashan senbeidi.
Men árbir is boiynsha muqiiat tergeý júrgizý kerek dep aittym. Adamdardyń quqyǵyn buzǵan tulǵalar jazaǵa tartylady. Biz buǵan qajetti sharanyń bárin qabyldaimyz. Esh kúmán bolmasyn, – dep Prezident halyqtyń órikpegen kóńilin basty.
