Sheteldik aqparat keńistiginde Qazaqstan Prezidenti Qasym-Jomart Toqaevtyń Birikken Ulttar Uiymy Bas hatshysy qyzmetine úmitker bolýy múmkin ekeni týraly boljamdar aityla bastady, dep habarlaidy Dalanews.kz
Ázirge resmi málimdeme jasalǵan joq. Sarapshylar deńgeiinde ǵana talqylanyp jatqan bul aqparat naqty sheshim emes. Alaida mundai áńgimeniń ózi Qazaqstannyń halyqaralyq arenadaǵy bedeli artyp, el róliniń kúsheiip kele jatqanyn kórsetedi.
Aita keteiik, Qasym-Jomart Toqaev buǵan deiin BUU Bas hatshysynyń orynbasary ári uiymnyń Jenevadaǵy bólimshesiniń bas direktory qyzmetterin atqarǵan. Memleket basshysynyń kópjyldyq diplomatiialyq tájiribesi men halyqaralyq qurylymdardaǵy qyzmeti osyndai boljamdardyń týýyna negiz bolyp otyr.
