Bir aıdyń ishinde myńdaǵan qazaqstandyqtar zeınetaqy aqshasynyń bir bóligin paıdalaný múmkindigine ıe bolýyna baılanysty baspana máselesin sheshti. Adamdar ıpotekasyn tólep, nesıe kólemin qysqartty. Bul - ádiletti qoǵam qurýdyń bir joly. Kópshilikti qýantqan sheshim UKSK-da qoldaýǵa ıe bolǵan edi, - dedi Qasym-Jomart Toqaev.
Onyń aıtýynsha, 2020 jyly paıdalanýǵa berilgen turǵyn úıdiń kólemi 11,2% -ǵa artqan, biraq turǵyn úılerdiń 40% -y Nur-Sultan, Almaty jáne Shymkent qalalarynda paıdalanýǵa berilgen.
Baspanalardyń kópshiligi óte qymbat. Qazir qurylys kompanıalary arzan turǵyn úı sala almaı otyr. Osyǵan baılanysty, qoljetimdi jáne sapaly turǵyn úı qurylysyn yntalandyrý úshin qurylys kompanıalarymen satýdyń ofteık shartyn jasaý qajet. Sonda baspana "Nurly jer" baǵdarlamasynyń baǵasymen satyp alynady. Buryn mundaı qural synaq joba retinde engizilse, endi ony búkil el boıynsha keńkólemdi masshtabta qoldaný qajet. Bul qoljetimdi baǵamen qysqa merzimde turǵyn úı salýǵa múmkindik beredi, - dedi Qazaqstan Prezıdenti.
...
Off-teık degenimiz ne?
Offtake (off-take, ofteık, of-teık) – saýda marketıńinde satylatyn taýarlardyń sany (sóreden, qoımadan), taýarlardyń saýda núktesinen «ketýi».
Off-take Contract (offtake agreement, ofteık kelisim) – áli óndirilmegen taýarlardy satý/ satyp alý týraly kelisim; óndirýshi belgili bir mólsherde taýarlar (shıkizattar) óndirýdi josparlaıdy jáne osy taýardyń belgili bir mólsherin tańdaýǵa kelisetin jekelegen kompanıalarmen (ofteıkerlermen) kelisimder jasaıdy.
...
Osynyń aldynda Dalanews.kz-ke pikir bildirgen ekonomıs Rasul Rysmambetov qurylys salasyndaǵy aýqatty dostaryn aınalsoqtap, álgilerdiń soıylyn soǵyp, sózin sóıleýdi ǵana biletin Úkimet múshelerin synaǵan.
“Almaty men Nur-Sultandy ǵana jasandyryp, bezendirip otyr. Ózge óńirler umyt qaldy. Tym-tyrys. Tirshilik joq. Turǵyndaryna qolaıly jaǵdaı jasalmaǵan. Al aýyl sharýashylyǵy salasyndaǵy kásipkerlerdiń kópshiligi shaǵyn eldi mekenderde shoǵyrlanǵan. Úkimettegi úrkerdeı top bulardy oılap bas qatyrmaıdy. Bar bilgeni qurylystaǵy áldeqashan olıgarhqa aınalǵan dostarynyń qamy", – degen ekonomıs.
Onyń pikirinshe, áleýmettik turǵyn úıdiń qurylysyn údetip jatqan Úkimet osy arqyly qurylys kompanıalaryn qoldap otyr. Baspanany jeńildikpen alǵandaı kórinetin jurt aldaǵy 15-20 jylǵa qaryzǵa kirip, ómiriniń altyn ýaqytyn nesıe tóleýmen ótkizedi.
Qatarynan qalmaı úı jóndeýge, ony jıhaz jáne turmystyq tehnıkamen toltyrýǵa tyrysyp, ózine kóńil bólýde umytady. Ózin-ózi jetildirýge, til úırenýge, densaýlyǵyn túzeýge tapqan tabysy jetpeıdi.
https://dalanews.kz/sadak/58249-myna-t-rimizben-zhyrty-sh-ly-ty-zhamap
