Prezıdent qordalanǵan máselelerdi sheshýdi keıinge qaldyryp, tıisti qujat qabyldamaı otyrǵan salalyq mınıstrliktiń jumysyn synǵa aldy, dep habarlaıdy Dalanews.kz.
Memleket basshysy Úkimetke áýe habtaryn damytýdyń naqty máselelerin shuǵyl túrde sheshý jóninde tapsyrma berdi.
"Áýejaı qyzmetindegi qazirgi tarıf saıasatyn qaıta qaraýǵa basa mán berý kerek. Sońǵy 10 jylda baǵa bir-aq ret, ıaǵnı bıyl ǵana ósti. Tarıfterdi ustap turý ınfraqurylymnyń tozýyna ákeledi. Muny tájirıbe anyq kórsetti. Baǵany qaıta qaraý qalyptasqan jaǵdaıdy ózgertýge kepil bolýǵa tıis. Sonymen qatar baǵanyń kúrt kóterilýin boldyrmaý úshin ońtaılandyrylǵan tásil qoldaný qajet. «Tarıfti ınvestısıaǵa aıyrbastaý» qaǵıdatyn engizý aldaǵy jyldary salany damytýdyń negizgi sharty bolýy kerek. Qolaıly iskerlik orta qurý – strategıalyq mindet. Investorlardy muqıat tyńdaǵan jón. Áýejaılardaǵy avıasıalyq emes qyzmetti shekten tys retteý kóptegen túıtkil týyndatyp otyr. Konkýrstar arqyly kompanıalardy irikteý barysynda búrokratıalyq kedergi jasaýdy, kelisimderdiń merzimin shekteýdi toqtatý kerek", – dedi Qasym-Jomart Toqaev.
