Prezident Qasym-Jomart Toqaev belgili kinorejisser Ardaq Ámirqulovtyń qaitys bolýyna bailanysty onyń týǵan-týystary men jaqyndaryna kóńil aitý jedelhatyn joldady, dep habarlaidy dalanews.kz.
Memleket basshysy Qazaqstannyń eńbek sińirgen qairatkeri, Memlekettik syilyqtyń laýreaty jáne «Qurmet» ordeniniń iegeri Ardaq Ámirqulovtyń ulttyq kino ónerine qosqan úlesin erekshe atap ótti.
Prezidenttiń aitýynsha, rejisser sanaly ǵumyryn kinematografiiaǵa arnap, qazaq mádenietiniń damýyna eleýli eńbek sińirgen.
"Ardaq Ámirqulov bar sanaly ǵumyryn kino ónerine arnap, ult mádenietin ulyqtaýǵa mol úles qosty. Kásibi kinoger retinde "Otyrardyń kúireýi", "Abai", "Qosh bol, Gúlsary!" siiaqty tarihi týyndylardy taspalap, tól rýhaniiatymyzdyń altyn qoryn baiyta bildi", – delingen kóńil aitý jedelhatynda.
Qasym-Jomart Toqaev rejisserdiń qazaq kinematografiiasyn damytý jolyndaǵy ustazdyq eńbegine de toqtaldy. Memleket basshysy Ardaq Ámirqulovtyń kóptegen talantty shákirt tárbielep, artynda mol rýhani mura qaldyrǵanyn atap ótti.
Prezident marqumnyń otbasyna jáne jaqyndaryna qaiǵyryp kóńil aityp, Ardaq Ámirqulovtyń jany jánnatta bolsyn degen tilegin jetkizdi.
