پرەزيدەنت قاسىم-جومارت توقاەۆ بەلگٸلٸ كينورەجيسسەر ارداق ەمٸرقۇلوۆتىڭ قايتىس بولۋىنا بايلانىستى ونىڭ تۋعان-تۋىستارى مەن جاقىندارىنا كٶڭٸل ايتۋ جەدەلحاتىن جولدادى, دەپ حابارلايدى dalanews.kz.
مەملەكەت باسشىسى قازاقستاننىڭ ەڭبەك سٸڭٸرگەن قايراتكەرٸ, مەملەكەتتٸك سىيلىقتىڭ لاۋرەاتى جەنە «قۇرمەت» وردەنٸنٸڭ يەگەرٸ ارداق ەمٸرقۇلوۆتىڭ ۇلتتىق كينو ٶنەرٸنە قوسقان ٷلەسٸن ەرەكشە اتاپ ٶتتٸ.
پرەزيدەنتتٸڭ ايتۋىنشا, رەجيسسەر سانالى عۇمىرىن كينەماتوگرافيياعا ارناپ, قازاق مەدەنيەتٸنٸڭ دامۋىنا ەلەۋلٸ ەڭبەك سٸڭٸرگەن.
"ارداق ەمٸرقۇلوۆ بار سانالى عۇمىرىن كينو ٶنەرٸنە ارناپ, ۇلت مەدەنيەتٸن ۇلىقتاۋعا مول ٷلەس قوستى. كەسٸبي كينوگەر رەتٸندە "وتىراردىڭ كٷيرەۋٸ", "اباي", "قوش بول, گٷلسارى!" سيياقتى تاريحي تۋىندىلاردى تاسپالاپ, تٶل رۋحانيياتىمىزدىڭ التىن قورىن بايىتا بٸلدٸ", – دەلٸنگەن كٶڭٸل ايتۋ جەدەلحاتىندا.
قاسىم-جومارت توقاەۆ رەجيسسەردٸڭ قازاق كينەماتوگرافيياسىن دامىتۋ جولىنداعى ۇستازدىق ەڭبەگٸنە دە توقتالدى. مەملەكەت باسشىسى ارداق ەمٸرقۇلوۆتىڭ كٶپتەگەن تالانتتى شەكٸرت تەربيەلەپ, ارتىندا مول رۋحاني مۇرا قالدىرعانىن اتاپ ٶتتٸ.
پرەزيدەنت مارقۇمنىڭ وتباسىنا جەنە جاقىندارىنا قايعىرىپ كٶڭٸل ايتىپ, ارداق ەمٸرقۇلوۆتىڭ جانى جەنناتتا بولسىن دەگەن تٸلەگٸن جەتكٸزدٸ.
