Memleket basshysy áskeri jáne quqyqtyq tártip máseleleri boiynsha keńes ótkizdi, dep habarlaidy Dalanews.kz.
Prezident Qasym-Jomart Toqaevtyń tóraǵalyǵymen Qarýly Kúshterdegi, basqa da áskerler men áskeri qurylymdardaǵy áskeri jáne quqyqtyq tártip máseleleri boiynsha keńes ótti.
Jiynda Bas prokýror Berik Asylov, Ishki ister ministri Erjan Sádenov, Qorǵanys ministri Dáýren Qosanov áskeri jáne quqyqtyq tártipti saqtaý sharalary, sondai-aq áskeriler arasynda júrgizilip jatqan tárbie jumystary týraly baiandama jasady.
Sonymen qatar áskerdegi quqyqbuzýshylyqtyń aldyn alý boiynsha Qarýly Kúshter men quqyq qorǵaý organdary basshylary qyzmetiniń túrli aspektileri qarastyryldy.
Prezident zań men tártipti odan ári qamtamasyz etýge, áskerdegi tárbie jumysyn jetildirýge, áskeri qyzmetshilerdiń mert bolýyna jáne jaraqat alýyna jol bermeý boiynsha qabyldanǵan sharalardyń tiimdiligin arttyrýǵa baǵyttalǵan birqatar naqty tapsyrma berdi.
