Memleket basshysy Qasym-Jomart Toqaev elordadaǵy sailaý ýchaskesine baryp, AES boiynsha referendýmda daýys berdi,- dep habarlaidy Dalanews.kz.
Memleket basshysy Qasym-Jomart Toqaev tańdaýyn jasaǵannan keiin BAQ ókilderiniń aldyna shyǵyp, birneshe saýalǵa jaýap berdi. Onyń ishinde kópti tolǵandyratyn Atom elektr stantsiiasyn kim salady degen suraq ta boldy.
Prezidenttiń sózinshe, bul qiyn másele. Sondyqtan Úkimet ony taldap, tiisti kelissózder júrgizýi kerek.
Biraq bul máselege meniń jeke kózqarasymdy aitsam, Qazaqstanda halyqaralyq konsortsiým jumys isteýi kerek. Ol mindetti túrde eń ozyq tehnologiialary bar jahandyq kompaniialardan turýy kerek. Biraq, ómir kórsetedi", — dedi prezident.
Eske salsaq, daýys berý tizimine 12,3 millionǵa jýyq qazaqstandyq engizilgen.
Referendýmǵa 30 shet memleket pen tórt halyqaralyq uiymnyń (Táýelsiz Memleketter Dostastyǵy, Shanhai yntymaqtastyq uiymy, Túrki memleketteri uiymy, Aziiadaǵy ózara is-qimyl jáne senim sharalary jónindegi keńes) atynan 177 baiqaýshy qatysady.
Daýys berý barysyn 14 memlekettiń ortalyq sailaý organdarynyń ókilderi, sonyń ishinde Ázirbaijan, Belarýs, Tájikstan jáne Ózbekstan ortalyq sailaý organdarynyń tóraǵalary da baqylap otyr.
Qazaqstan Respýblikasynyń Syrtqy ister ministrligi 37 elden 200 sheteldik jýrnalisterdi akkredittedi, olar da respýblikalyq referendýmdy baqylap, aqparat taratady.
