2025 jylǵy 1 qantardaǵy jaǵdai boiynsha bankterdiń ainalymdaǵy kartochkalarynyń sany 81,4 mln. jetti. Keńinen taralǵan kartochkalar túri debettik kartochkalar bolyp tabylady, olardyń úlesi 81,5%, ekinshi oryndaǵy kredittik kartochkalardyń úlesi – 15,5%, dep jazady Dalanews.kz.
QR Ulttyq Banktiń málimetinshe, eń kóp shyǵarylǵan tólem kartasy Almatyda tirkelgen: 16,27 mln.
Sondai-aq:
- Astana - 5 422,3 mln
- Shymkent - 4,180 mln
- Túrkistan oblysy - 3,938 mln
- Almaty oblysy - 3,037 mln
- Qaraǵandy oblysy – 3,678 mln.
Eń az tólem kartalary Ulytaý oblysynda tirkelgen: 621,3 myń.
Bul derekterdi Ortalyq Aziia elderindegi tólem kartalarynyń sanyna qatysty derektermen salystyryp kórelik:
- Ózbekstan - 8,4 mln
- Qyrǵyzstan - 8,55 mln
- Tájikstan - 8,2 mln
- Túrikmenstan - 5,82 mln.
Bir qyzyǵy, Pákistanda (240,5 million halqy bar) 2023 jyldyń 15 sáýirinde barlyǵy 43 million tólem kartasy ǵana tirkelgen.
Kórip otyrǵanymyzdai, Qazaqstan qolma-qol aqshasyz tólemderdi damytý boiynsha Ortalyq Aziia óńiriniń barlyq elderinen 10 ese artyq alda keledi:
"2024 jyldyń jeltoqsan aiynda qazaqstandyq emitentterdiń tólem kartochkalaryn paidalana júrgizilgen tranzaktsiialardyń kólemi 19,9 trln teńgege jetip, tranzaktsiialar sany 1,2 mlrd birlikti qurady. Onyń ishinde qolma-qol jasalmaityn tranzaktsiialar sany 12,2% ósip, 1,16 mlrd qurady jáne kólemi 19,7% ósip 17,4 trln tenge qurady. Tólem kartochkalaryn ustaýshylardyń qolma-qol aqshany alý operatsiialarynyń sany 20,8 mln birlikti, kólemi 2,5 trln teńgeni qurady. 2023 jyldyń osyndai ýaqyt aralyǵymen salystyrǵanda aqsha sheshý operatsiialarynyń sany 2,6%-ǵa túsip, kólemi 9,8%-ǵa artty".
Qazaqstan aýmaǵynda qolma-qol aqshasyz operatsiialardyń negizgi úlesi internet/mobildi banking (qolma-qol jasalmaityn operatsiialardyń jalpy sany, kóleminen sáikesinshe 81,0% jáne 90,5%) jáne POS-terminaldar (qolma-qol jasalmaityn operatsiialardyń jalpy sany, kóleminen sáikesinshe 19,0% jáne 9,2%) arqyly júrgizildi.
Qolma-qol aqshany berý operatsiialary negizinen bankomattar arqyly júzege asyrylǵan (qolma-qol aqshany berý boiynsha operatsiialardyń jalpy sany men kóleminen sáikesinshe 98,1% jáne 83,5%).
Búginderi Qazaqstanda barlyǵy 12 569 bankomat jumys isteidi, olardyń basym bóligi (2 288) Almatyda ornalasqan. Astanada Almatymen salystyrǵanda bankomattar sany eki ese az – 1 431.
