2025 جىلعى 1 قانتارداعى جاعداي بويىنشا بانكتەردىڭ اينالىمداعى كارتوچكالارىنىڭ سانى 81،4 ملن. جەتتى. كەڭىنەن تارالعان كارتوچكالار ءتۇرى دەبەتتىك كارتوچكالار بولىپ تابىلادى، ولاردىڭ ۇلەسى 81،5%، ەكىنشى ورىنداعى كرەديتتىك كارتوچكالاردىڭ ۇلەسى – 15،5%، دەپ جازادى Dalanews.kz.
ق ر ۇلتتىق بانكتىڭ مالىمەتىنشە، ەڭ كوپ شىعارىلعان تولەم كارتاسى الماتىدا تىركەلگەن: 16،27 ملن.
سونداي-اق:
- استانا - 5 422،3 ملن
- شىمكەنت - 4،180 ملن
- تۇركىستان وبلىسى - 3،938 ملن
- الماتى وبلىسى - 3،037 ملن
- قاراعاندى وبلىسى – 3،678 ملن.
ەڭ از تولەم كارتالارى ۇلىتاۋ وبلىسىندا تىركەلگەن: 621،3 مىڭ.
بۇل دەرەكتەردى ورتالىق ازيا ەلدەرىندەگى تولەم كارتالارىنىڭ سانىنا قاتىستى دەرەكتەرمەن سالىستىرىپ كورەلىك:
- وزبەكستان - 8،4 ملن
- قىرعىزستان - 8،55 ملن
- تاجىكستان - 8،2 ملن
- تۇرىكمەنستان - 5،82 ملن.
ءبىر قىزىعى، پاكىستاندا (240،5 ميلليون حالقى بار) 2023 جىلدىڭ 15 ساۋىرىندە بارلىعى 43 ميلليون تولەم كارتاسى عانا تىركەلگەن.
كورىپ وتىرعانىمىزداي، قازاقستان قولما-قول اقشاسىز تولەمدەردى دامىتۋ بويىنشا ورتالىق ازيا ءوڭىرىنىڭ بارلىق ەلدەرىنەن 10 ەسە ارتىق الدا كەلەدى:
"2024 جىلدىڭ جەلتوقسان ايىندا قازاقستاندىق ەميتەنتتەردىڭ تولەم كارتوچكالارىن پايدالانا جۇرگىزىلگەن ترانزاكسيالاردىڭ كولەمى 19،9 ترلن تەڭگەگە جەتىپ، ترانزاكسيالار سانى 1،2 ملرد بىرلىكتى قۇرادى. ونىڭ ىشىندە قولما-قول جاسالمايتىن ترانزاكسيالار سانى 12،2% ءوسىپ، 1،16 ملرد قۇرادى جانە كولەمى 19،7% ءوسىپ 17،4 ترلن تەنگە قۇرادى. تولەم كارتوچكالارىن ۇستاۋشىلاردىڭ قولما-قول اقشانى الۋ وپەراسيالارىنىڭ سانى 20،8 ملن بىرلىكتى، كولەمى 2،5 ترلن تەڭگەنى قۇرادى. 2023 جىلدىڭ وسىنداي ۋاقىت ارالىعىمەن سالىستىرعاندا اقشا شەشۋ وپەراسيالارىنىڭ سانى 2،6%-عا ءتۇسىپ، كولەمى 9،8%-عا ارتتى".
قازاقستان اۋماعىندا قولما-قول اقشاسىز وپەراسيالاردىڭ نەگىزگى ۇلەسى ينتەرنەت/ءموبيلدى بانكينگ (قولما-قول جاسالمايتىن وپەراسيالاردىڭ جالپى سانى، كولەمىنەن سايكەسىنشە 81،0% جانە 90،5%) جانە POS-تەرمينالدار (قولما-قول جاسالمايتىن وپەراسيالاردىڭ جالپى سانى، كولەمىنەن سايكەسىنشە 19،0% جانە 9،2%) ارقىلى جۇرگىزىلدى.
قولما-قول اقشانى بەرۋ وپەراسيالارى نەگىزىنەن بانكوماتتار ارقىلى جۇزەگە اسىرىلعان (قولما-قول اقشانى بەرۋ بويىنشا وپەراسيالاردىڭ جالپى سانى مەن كولەمىنەن سايكەسىنشە 98،1% جانە 83،5%).
بۇگىندەرى قازاقستاندا بارلىعى 12 569 بانكومات جۇمىس ىستەيدى، ولاردىڭ باسىم بولىگى (2 288) الماتىدا ورنالاسقان. استانادا الماتىمەن سالىستىرعاندا بانكوماتتار سانى ەكى ەسە از – 1 431.
