Tólebi aýdanynyń sharýalary Mańǵystaýǵa 80 tonna shóp jóneltti
Tólebi aýdanynan "Batysqa kómek" sharasy aiasynda Mańǵystaýǵa 3 200 baý shóp tielgen vagondar jóneltildi. Biylǵy qýańshylyqtyń saldarynan zardap shekken batys óńirine tólebilik jastar men eriktiler 80 tonnaǵa jýyq mal azyǵyn vagondarǵa artty, – dep habarlaidy Dalanews.kz Túrkistan oblysynyń Óńirlik kommýnikatsiialar qyzmetine silteme jasap.
Tólebi aýdanynda 4 050 den astam sharýa jáne fermerlik qojalyqtar, óndiristik kooperativter, jaýapkershiligi shekteýli seriktestikter aýyl sharýashylyǵy óndirisimen ainalysady.
Biyl aýdanda 65 946 gektar jerge aýyl sharýashylyǵy daqyldary egilgen. Onyń ishinde 29 563 gektar jerge eski jáne jańa jońyshqa egilip, dala shóbi jáne sabandy qosqanda 155,9 myń tonnaǵa jýyq mal azyǵy daiyndalǵan.
Aýdanda 78 687 bas iri qara mal, 39 002 bas jylqy, 208 789 ýaq mal bar. Atalǵan mal basyna qajetti mal azyǵy (jońyshqa, tabiǵi shóp, saban) – 184,2 myń tonnany quraidy. Al, aǵymdaǵy jyly 9 813 ga sýarmaly egistik alqabyna aýyl sharýashylyǵy daqyldary egilse, onyń 61 paiyzdan astamy mal azyǵyna baǵyttalǵan.
