Memlekettik Ánuranynan bastalǵan merekelik is-sharada Qazaqstan Respýblıkasynyń Tuńǵysh Prezıdentiniń ónegeli ómir joly týraly arnaıy beınerolık kórsetildi. Saltanatty jıynda aýdan basshysy tólebılikterdi tuńǵysh Prezıdent kúni merekesimen quttyqtap, memlekettik merekeniń elimiz úshin mańyzy zor ekenin atap ótti.
– Memleketimizdiń órkendeýi men gúldenýi jolyndaǵy Elbasymyzdyń atqarǵan eńbegi ólsheýsiz. Nursultan Ábishuly Nazarbaevtyń bastamasymen qurylǵan serpindi jobalar men baǵdarlamalar halqymyzdyń ómir súrý deńgeıin jaqsartyp, memleketimizdiń damýyn jańa sapaǵa kóterýge múmkindikter jasalýda. Elimizdiń búginge shamshyraǵy jarqyrap, álemge áıgili bolýy, táýelsiz elimizdiń ósip-órkendeýi, halyqtyń ál-aýqatynyń kóterilýi Ult kóshbasshysynyń salıqaly da, sarabdal saıasatynyń nátıjesinde júzege asýda, – dep aýdan ákimi Baýyrjan Omarbekov quttyqtaýyn jetkizdi.
Aýdan ákimi Baýyrjan Omarbekov, el ıgiligi úshin eńbek sińirgen azamattardy Qazaqstan Respýblıkasy Prezıdentiniń 2018 jylǵy 21 qarashadaǵy Jarlyǵy boıynsha «Astananyń 20 jyldyǵy» medalimen, aýdan ákiminiń alǵys hatymen marapattady. Máslıhat hatshysy Nurlan Qoıbaǵarov, eldiń belseńdi azamattaryna aýdannyń «Qurmet» Gramotasyn tabystady.
Merekelik is-shara aýdan ónerpazdarynyń konserttik baǵdarlamasymen jalǵasty.
Dalanews.kz
