Tólebi aýdanynda otbasy qundylyǵy boiynsha jiyn ótti
Seminarǵa Qazaqstan Respýblikasy Prezidentiniń janyndaǵy Áielder isteri jáne otbasylyq-demografiialyq saiasat jónindegi ulttyq komissiiasynyń múshesi – Asiia Hairýlina, ánshi ári Qazaqstandaǵy jastardyń densaýlyǵyn saqtaý boiynsha spikeri – Aqmarjan Kósherbaeva, aktrisa – Ásel Saǵatova, oblys ákimi apparatynyń bas inspektory, oblys janyndaǵy Áielder isteri jáne otbasylyq-demografiialyq saiasat jónindegi komissiiasynyń hatshysy – Gúlmira Boranbaeva, «Oblystyq jas týristter» ortalyǵynyń direktory – Sáýle Ómirbaeva, oblystyq áielder keńesiniń tóraiymy – Baian Jandosova, oblystyq kóshbasshy áielder klýbynyń tóraiymy – Quralai Bekenova, qala, aýyldyq okrýgterdiń áielder keńesiniń tóraiymdary, bilim berý mekemeleriniń psihologtary, quqyq qorǵaý organdarynyń qyzmetkerleri, ulttyq mádeni ortalyqtarynyń tóraǵalary jáne BAQ ókilderi qatysty. Seminar-treningti aýdan ákimi apparatynyń uiymdastyrý-inspektorlyq bóliminiń bas inspektory – Aisulý Telbaeva ashyp, júrgizip otyrdy.
Birinshi bolyp, sóz alǵan Asiia Hairýlina ár qyz balasynyń deni saý, tabysty, baqytty bolýǵa quqyǵy bar ekendigin jáne quqyqtary men bostandyqtarynyń buzylatyn jaǵdailardyń bolyp turatynyn, mundai buzýshylyqtardyń sebebi – qoǵamnyń, ata-analardyń jáne balalardyń óz quqyqtarynyń jetkilikti túrde bilmeitindiginen bolatynyn atap ótti.
Kún tártibindegi negizgi máseleler boiynsha, seminar-treningke qatysýshylar – qazirgi qoǵamda balalardy tárbieleý, otbasynyń saqtalýy jolyndaǵy analardyń róli týraly, jastar arasyndaǵy sýitsid, onyń oryn alý sebepteri, balalarǵa qatysty zorlyq-zombylyq, otbasyndaǵy agressivti minez-qulyq máseleler boiynsha saýaldarǵa jaýap izdedi.
Ásel Saǵatova «Ózindik sheshý quqyǵy» taqyrybyndaǵy videoroligine tusaýkeser jasady. Mán-maǵynaǵa tola videorolik, seminarǵa qatysýshylarǵa erekshe áser etti.
Al, Aqmarjan Kósherbaeva otbasydaǵy zorlyq-zombylyqty jasyrmai, ortaǵa salyp talqylaý uiat emes ekendigin aityp, seminarǵa qatysýshylarmen pikir almasty. «Jastar arasynda problema óte kóp jáne statistikaǵa júginetin bolsaq, ókinishke orai qazirgi tańda 14 jasqa tolǵan jetkinshekterdiń 52 paiyzy jynystyq qatynasqa túsedi eken»,-dedi Aqmarjan Kósherbaeva óz sózinde.
Seminar-treningti qorytyndylaǵan aýdan ákimi apparatynyń uiymdastyrý-inspektorlyq bóliminiń bas inspektory Aisulý Telbaeva aýdanymyzǵa oi-pikir bólisýge kelgen qonaqtarǵa alǵys bildirip, estelik syilyqtar tartý etti.
Tólebi aýdany ákimdiginiń baspasóz qyzmeti
