سەمينارعا قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسياسىنىڭ مۇشەسى – اسيا حايرۋلينا، ءانشى ءارى قازاقستانداعى جاستاردىڭ دەنساۋلىعىن ساقتاۋ بويىنشا سپيكەرى – اقمارجان كوشەربايەۆا، اكتريسا – اسەل ساعاتوۆا، وبلىس اكىمى اپپاراتىنىڭ باس ينسپەكتورى، وبلىس جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسياسىنىڭ حاتشىسى – گۇلميرا بورانبايەۆا، «وبلىستىق جاس تۋريستتەر» ورتالىعىنىڭ ديرەكتورى – ساۋلە ومىربايەۆا، وبلىستىق ايەلدەر كەڭەسىنىڭ ءتورايىمى – بايان جاندوسوۆا، وبلىستىق كوشباسشى ايەلدەر كلۋبىنىڭ ءتورايىمى – قۇرالاي بەكەنوۆا، قالا، اۋىلدىق وكرۋگتەردىڭ ايەلدەر كەڭەسىنىڭ ءتورايىمدارى، ءبىلىم بەرۋ مەكەمەلەرىنىڭ پسيحولوگتارى، قۇقىق قورعاۋ ورگاندارىنىڭ قىزمەتكەرلەرى، ۇلتتىق مادەني ورتالىقتارىنىڭ ءتوراعالارى جانە ب ا ق وكىلدەرى قاتىستى. سەمينار-ترەنينگتى اۋدان اكىمى اپپاراتىنىڭ ۇيىمداستىرۋ-ينسپەكتورلىق ءبولىمىنىڭ باس ينسپەكتورى – ايسۇلۋ تەلبايەۆا اشىپ، جۇرگىزىپ وتىردى.
ءبىرىنشى بولىپ، ءسوز العان اسيا حايرۋلينا ءار قىز بالاسىنىڭ دەنى ساۋ، تابىستى، باقىتتى بولۋعا قۇقىعى بار ەكەندىگىن جانە قۇقىقتارى مەن بوستاندىقتارىنىڭ بۇزىلاتىن جاعدايلاردىڭ بولىپ تۇراتىنىن، مۇنداي بۇزۋشىلىقتاردىڭ سەبەبى – قوعامنىڭ، اتا-انالاردىڭ جانە بالالاردىڭ ءوز قۇقىقتارىنىڭ جەتكىلىكتى تۇردە بىلمەيتىندىگىنەن بولاتىنىن اتاپ ءوتتى.
كۇن تارتىبىندەگى نەگىزگى ماسەلەلەر بويىنشا، سەمينار-ترەنينگكە قاتىسۋشىلار – قازىرگى قوعامدا بالالاردى تاربيەلەۋ، وتباسىنىڭ ساقتالۋى جولىنداعى انالاردىڭ ءرولى تۋرالى، جاستار اراسىنداعى سۋيسيد، ونىڭ ورىن الۋ سەبەپتەرى، بالالارعا قاتىستى زورلىق-زومبىلىق، وتباسىنداعى اگرەسسيۆتى مىنەز-قۇلىق ماسەلەلەر بويىنشا ساۋالدارعا جاۋاپ ىزدەدى.
اسەل ساعاتوۆا «وزىندىك شەشۋ قۇقىعى» تاقىرىبىنداعى ۆيدەوروليگىنە تۇساۋكەسەر جاسادى. ءمان-ماعىناعا تولا ۆيدەوروليك، سەمينارعا قاتىسۋشىلارعا ەرەكشە اسەر ەتتى.
ال، اقمارجان كوشەربايەۆا وتباسىداعى زورلىق-زومبىلىقتى جاسىرماي، ورتاعا سالىپ تالقىلاۋ ۇيات ەمەس ەكەندىگىن ايتىپ، سەمينارعا قاتىسۋشىلارمەن پىكىر الماستى. «جاستار اراسىندا پروبلەما وتە كوپ جانە ستاتيستيكاعا جۇگىنەتىن بولساق، وكىنىشكە وراي قازىرگى تاڭدا 14 جاسقا تولعان جەتكىنشەكتەردىڭ 52 پايىزى جىنىستىق قاتىناسقا تۇسەدى ەكەن»،-دەدى اقمارجان كوشەربايەۆا ءوز سوزىندە.
سەمينار-ترەنينگتى قورىتىندىلاعان اۋدان اكىمى اپپاراتىنىڭ ۇيىمداستىرۋ-ينسپەكتورلىق ءبولىمىنىڭ باس ينسپەكتورى ايسۇلۋ تەلبايەۆا اۋدانىمىزعا وي-پىكىر بولىسۋگە كەلگەن قوناقتارعا العىس ءبىلدىرىپ، ەستەلىك سىيلىقتار تارتۋ ەتتى.
تولەبي اۋدانى اكىمدىگىنىڭ باسپا ءسوز قىزمەتى
