Tólebı ákimdiginiń kishi májilis zalynda «Áleýmettik medısınalyq saqtandyrý qory» komersıalyq emes aksıonerlik qoǵamynyń Shymkent qalasy jáne Túrkistan oblysy boıynsha fılıalynyń halyqty aqparattandyrý bóliminiń basshysy Ahmet Beden «Mindetti áleýmettik medısınalyq saqtandyrý týraly» Qazaqstan Respýblıkasynyń Zańynyń talaptary boıynsha túsindirme jumystaryn júrgizdi.

Jıynǵa, aýdan turǵyndary, densaýlyq saqtaý qyzmetkerleri, jeke kásipkerler, jumys berýshiler, ózin-ózi jumyspen qamtıtyn azamattar, aýdandyq jumyspen qamtý jáne áleýmettik baǵdarlamalar bóliminiń qyzmetkerleri qatysty.

Esterińizge salsaq, Qazaqstanda 2017 jyldyń shilde aıynan bastap mindetti áleýmettik medısınalyq saqtandyrý júıesi óz jumysyn bastaǵan. Atalǵan júıe jınaqtaýshy júıe emes, jáne qarajatty derbestendire bólýdi qarastyrmaıdy.

Bul aı saıyn Medısınalyq saqtandyrý qoryna jumys berýshiler, jumyskerler, ózin-ózi qamtıtyn azamattar jáne áleýmettik qorǵalmaǵan turǵyndar úshin negizgi tóleýshi retinde memleket tarapynan túsetin jarnalar men aýdarymdar.

MÁMS úshin tólemdi kez kelgen bank nemese «Qazposhta» bólimsheleri arqyly aýdarýǵa bolady. Jarnalardy aı saıyn da, aldyn ala birneshe aıǵa da tóleýge bolady.

 

Tólebı aýdany ákimdiginiń baspasóz qyzmeti