Investitsiialyq joba júzege asyrýdyń nátijesinde 260 adam jumyspen qamtylady. Atap aitqanda, Lengir qalasynan quny 550 mln teńge bolatyn «KAZPLAST» JShS kiim tigý tsehy. Nysannyń qazirgi tańda jer telimi anyqtalyp, qurylys jumystary júrgizilýde. Joba 2022 jyly iske qosylsa, 250 adam jumyspen qamtylady. Sondai-aq, «Balmuzdaq» JShS ónim kólemin ulǵaitý maqsatynda qural-jabdyqtar alýǵa 185 mln teńgege investitsiia tartyp otyr.
Aýdanda ónerkásip salasynda 2021 jyldyń basynan 36 mlrd 236 mln teńgeniń ónimi óndirilgen.
– Aýdanda negizgi kapitalǵa baǵyttalǵan investitsiialar kólemi 2021 jyldyń 9 aiynda 10 mlrd 946 mln teńgege jetip, byltyrǵy jyldyń tiisti kezeńimen salystyrǵanda 14,6 paiyzǵa artty. Sondai-aq, aýdanda 7 163 kásipkerlik sýbektisi jumys isteidi. Olarda jumyspen qamtylǵandar sany – 15 902 adam. Kásipkerlik sýbektilerniń óndirgen ónim kólemi 33 mlrd 317 mln teńgeni qurady, – dedi aýdan basshysy.
Sonymen qatar, «Biznestiń jol kartasy – 2025» biznesti qoldaý men damytýdyń biryńǵai memlekettik baǵdarlamasy aiasynda 10 mln teńgege 2 joba iske asýda. Olar: «Qurǵaq sháidi fasovka jasaý» jáne «Saýmal-qymyzben emdeý ortalyǵy» jobalary.
