ينۆەستيتسييالىق جوبا جٷزەگە اسىرۋدىڭ نەتيجەسٸندە 260 ادام جۇمىسپەن قامتىلادى. اتاپ ايتقاندا, لەنگٸر قالاسىنان قۇنى 550 ملن تەڭگە بولاتىن «KAZPLAST» جشس كيٸم تٸگۋ تسەحى. نىساننىڭ قازٸرگٸ تاڭدا جەر تەلٸمٸ انىقتالىپ, قۇرىلىس جۇمىستارى جٷرگٸزٸلۋدە. جوبا 2022 جىلى ٸسكە قوسىلسا, 250 ادام جۇمىسپەن قامتىلادى. سونداي-اق, «بالمۇزداق» جشس ٶنٸم كٶلەمٸن ۇلعايتۋ ماقساتىندا قۇرال-جابدىقتار الۋعا 185 ملن تەڭگەگە ينۆەستيتسييا تارتىپ وتىر.
اۋداندا ٶنەركەسٸپ سالاسىندا 2021 جىلدىڭ باسىنان 36 ملرد 236 ملن تەڭگەنٸڭ ٶنٸمٸ ٶندٸرٸلگەن.
– اۋداندا نەگٸزگٸ كاپيتالعا باعىتتالعان ينۆەستيتسييالار كٶلەمٸ 2021 جىلدىڭ 9 ايىندا 10 ملرد 946 ملن تەڭگەگە جەتٸپ, بىلتىرعى جىلدىڭ تيٸستٸ كەزەڭٸمەن سالىستىرعاندا 14,6 پايىزعا ارتتى. سونداي-اق, اۋداندا 7 163 كەسٸپكەرلٸك سۋبەكتٸسٸ جۇمىس ٸستەيدٸ. ولاردا جۇمىسپەن قامتىلعاندار سانى – 15 902 ادام. كەسٸپكەرلٸك سۋبەكتٸلەرنٸڭ ٶندٸرگەن ٶنٸم كٶلەمٸ 33 ملرد 317 ملن تەڭگەنٸ قۇرادى, – دەدٸ اۋدان باسشىسى.
سونىمەن قاتار, «بيزنەستٸڭ جول كارتاسى – 2025» بيزنەستٸ قولداۋ مەن دامىتۋدىڭ بٸرىڭعاي مەملەكەتتٸك باعدارلاماسى اياسىندا 10 ملن تەڭگەگە 2 جوبا ٸسكە اسۋدا. ولار: «قۇرعاق شەيدٸ فاسوۆكا جاساۋ» جەنە «ساۋمال-قىمىزبەن ەمدەۋ ورتالىعى» جوبالارى.
