Tólebı aýdandyq «Jastar resýrstyq ortalyǵy» KMM-si, «Áleýmettik psıhologıalyq súıemeldeý qyzmeti» sektory, aýdandyq mýzeıimen birlese Lenger qalasy «Ǵarysh» kınoteatry ǵımaratynda Elbasymyz N.Á.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasy aıasynda 15 mamyr Halyqaralyq otbasy kúnine oraı «Otbasy ómir aıasy!» taqyrybynda Lenger qalasynyń zıaly qaýym ókilderi arasynda kezdesý ótkizildi.
İs-sharanyń negizgi maqsaty otbasylyq qundylyqtardy saqtaý, jastarǵa úlgi kórsetý, bos ýaqytyn tıimdi paıdalaný, otbasylyq zorlyq-zombylyqtyń aldyn alý, otbasy — adamzattyń asa qajetti, ári qasıetti altyn besigi ekenin túsindirý súıispenshiligin arttyrý bolyp tabylady.
Eń aldymen otbasy qundylyqtary týraly bandamany aýdandyq mýzeıdiń qor saqtaýshysy E.Tortaeva túsindirme jumystaryn júrgizdi. Merekelik is-sharaǵa aýdan aýmaǵyndaǵy eń jas ana, jeti balanyń anasy, kúmis alqa ıegeri S.Slepovaǵa jáne aýdandyq «Jastar resýrstyq ortalyǵy» KMM-niń uıymdastyrýymen ótken «Baqytty otbasy» baıqaýynda bas júlde ıegeri Satybaldıevter otbasy arnaıy shaqyryldy.
İs-sharaǵa qatysqan eki otbasyǵa aýdandyq «Jastar resýrstyq ortalyǵy» KMM-niń «Áleýmettik psıhologıalyq súıemeldeý qyzmeti» sektorynyń áleýmettik qyzmetkeri P.Saıranova, otbasylarǵa aq oramal jaýyp, kóńil kúıin kóterip merekesimen quttyqtady. İs-shara barysynda Satybaldıevter otbasy daıyndaǵan ánderin aıtsa kishkentaı búldirshini óziniń anasyna arnaǵan óleń shýmaqtaryn kórermenderge tartý etti.
Lenger qalasynyń zıaly qaýym ókilderi aýdan, qalalyq ardagerler músheleri, qalalyq ájeler alqasynyń tóraıymy, AİİB áıelderdi zorlyq-zombylyqtan qorǵaý tobynyń aǵa ınspektory, qalalyq ákim apparatynyń bas mamany, aýdan ákimi apparatynyń bas ınspektory qatysty.
