Japoniiany astanasy Tokio qalasynda 2020 jyly ótýge tiis bolǵan XXXII jazǵy Olimpiada oiyndarynyń ýaqyty COVID-19 pandemiiasyna bailanysty keiinge shegerilgeni belgili. Jarys biyl, 23 shilde – 8 tamyz aralyǵynda ótkizý josparlanýda.
ShQO ákimdigine qarasty Dene shynyqtyrý jáne sport basqarmasynyń basshysy Dosjan Ýalhanovtyń aitýynsha, Shyǵys Qazaqstannyń sportshylary atalmysh básekege tórt Olimpiada litsenziiasyn utyp alǵanyn habarlady. Litsenziia alǵan sportshylar: Daniiar Qaisanov (erkin kúres), Rýslan Qurbanov (semserlesý), Nursultan Tursynov (grek-rim kúresi), Olga Rypakova (jeńilatletika).
Búginde jeńil atletika, aýyr atletika, dziýdo, erkin kúres, slalom jáne baidarka men kanoede esý jáne semserlesý boiynsha oblystyń 19 sportshysy olimpiadalyq litsenziiaǵa úmitker bolyp otyr.
– Litsenziialar aǵymdaǵy jyldyń shildesine deiin anyqtalatyn bolady. Qazir sportshylar ulttyq qurama komandasynyń sapynda oqý-jattyǵýdan ótip, halyqaralyq reitingtik jarystarǵa qatysýda, – deidi Dosjan Ýalhanov.
Sondai-aq, biyl Qazaqstannyń besinshi jazǵy jastar oiyndary sporttyń 33 túri boiynsha ótkiziledi. Shyǵys Qazaqstan sportshylary sporttyq oiynnyń 24 túrine qatysýdy josparlap otyr. Qazir oq atý, kórkem gimnastika, áielderdiń erkin jáne grek-rim kúresi, dziýdo boiynsha jarystar ótti.
Jalpy komandalyq esepti eskersek oblystyń qurama komandasy respýblika boiynsha 17 komandanyń ishinde 4-orynda tur. Dziýdodan quramamyz komandalyq esepte 1 oryndy, kórkem gimnastika jáne erkin kúres boiynsha úshinshi oryndy ielendi. Sporttyq oiyn tamyzda aiaqtalady dep josparlanýda.
Ótken jyly oblys sportshylary oblystyq, respýblikalyq jáne halyqaralyq jarystarda 2052 medal jeńip aldy. Sonyń ishindegi eń kóbi – altyn medal. Iaǵni – 780 altyn, 663 – kúmis jáne 609 – qola. Sonymen qatar, oblys qurama komandalary 450 oqý-jattyǵý jiynyna qatysty.
Aita keteiik, karantindik shekteý sharalary buqaralyq sporttyq jarystardyń ótýine aitarlyqtai keri áserin tigizdi. Máselen, oblysta byltyr josparlanǵan 345 is-sharanyń 172-si ǵana ótkizildi. Onyń ishinde shahmat, toǵyzqumalaq, gir kóterý, jeńil atletika boiynsha 18 jarys onlain rejimde ótti. Sondai-aq, áleýmettik jelilerde «Men úide jattyǵamyn» baiqaýy bastaý aldy. Sonymen qatar, oblystyń ataqty sportshylary kún saiyn onlain jattyǵýlar ótkizdi.
