Májilis TMD elderi arasyndaǵy radiatsiialyq jaǵdai monitoringi týraly derekter almasýǵa qatysty kelisimdi ratifikatsiialady, dep habarlaidy Dala News.
Qujat 2023 jylǵy 8 maýsymda Sochide jasalǵan. Kelisimge sáikes, TMD-ǵa qatysýshy memleketter radiatsiialyq jaǵdai týraly aqparatpen turaqty túrde almasý úshin ýákiletti organdardyń ózara is-qimylyn uiymdastyrýǵa mindettenedi.
Sonymen qatar taraptar radiatsiialyq jaǵdaidyń ózgeristeri týraly mańyzdy málimetterdi ýaqytyly usynýǵa kelisti. Eger radioaktivti zattardyń transshekaralyq taralý qaýpi nemese faktisi anyqtalsa, memleketter bul týraly bir-birine dereý aqparat beredi. Bul talap úshinshi memleketterdiń aýmaqtaryna qatysty jaǵdailarǵa da qoldanylady.
Kelisimge sáikes, quzyretti organdar derekter almasýdyń biryńǵai tártibin ázirleidi. Onda:
•beriletin aqparattyń naqty tizimi;
•derekter formattary;
•arhivteý merzimderi;
•radiatsiialyq jaǵdai parametrleri týraly málimetterdi berý reglamenti;
•ýákiletti organdardyń bailanys derekteri kórsetiledi.
Kelisim TMD elderi arasyndaǵy radiatsiialyq qaýipsizdik salasyndaǵy yntymaqtastyqty kúsheitýge baǵyttalǵan.
