Ortalyq pen «Gazprombanktyń» yntymaqtastyq týraly memorandýmyna «Turǵyn úi-kommýnaldyq sharýashylyǵyn jańǵyrtý jáne damytý ortalyǵy» AQ-nyń basqarma tóraǵasy Ádilhan Ómirbaev pen banktyń vitse-prezidenti Sindikattyq jáne halyqaralyq qarjylandyrý departamenti basshysynyń orynbasary Anastasiia Shakina qol qoiǵan.
Qujatqa sáikes, TKSh Ortalyǵy elimizdiń turǵyn úi-kommýnaldyq sharýashylyǵyn jańǵyrtý men damytýdyń memlekettik baǵdarlamasyn júzege asyrýda reseilik banktiń salany damytýdaǵy is-tájiribesin paidalanbaqshy eken.
QR Ónerkásip jáne qurylys ministrligi taratqan baspasóz paraǵynda Reseidiń «Gazprombanki» turǵyn úi kommýnaldyq sharýashylyǵy salasyndaǵy jetekshi tehnologiiany basqa elderge eksporttaityn birden-bir mekeme bolyp tabylatynyn aita kele, TKSh Ortalyǵynyń birlesip jumys isteýine «aq batasyn» beripti.
Aldaǵy ýaqytta TKSh Ortalyǵyna seriktes bolyp tanylaǵan qarjy institýty ádistemelik, konsýltatsiialyq jáne basqa da saraptamalyq qoldaý kórsetip, jón silteýdi moinyna alǵan aita ketýimiz kerek.
– Seriktesimizben birlesip jumys istegen sátte «Kelisimsharttardy banktik qoldaý» qyzmetin paidalanyp, TKSh Ortalyǵynyń turǵyn úi kommýnaldyq sharýashylyǵy salasyndaǵy jobalaryna qarjy tartýdyń tiimdiligin arttyrýǵa kúsh salamyz. Eń bastysy banktiń biregei hám ikemdi qarjylyq qoldaýǵa qatysty bai is-tájiribesi Qazaqstannyń infraqurylymy men turǵyn úi keshenin damytýǵa yqpal etip, bizdiń klienttiń jobalaryn sátti júzege asyrýǵa jáne turǵyn úi qurylysy naryǵynyń ashyqtyǵyn qalyptastyrýǵa kúsh salatyna sinimdimin, – depti Gazprombanktyń vitse-prezidenti Anastasiia Shakina.
Al ortalyqtyń basshysy Ádilhan Ómirbaev memorandým aiasynda ózi basqaratyn Ortalyq Gazprombanktyń Máskeý temir jolyn kúrdeli jóndeý jobalaryn júzege asyrý kezinde qarajatty maqsatty jáne tiimdi jumsalýyn baqylaýdy qamtamasyz etken is-tájiribesin qatty qyzyqtyryp otyrǵanyn da jasyrmai aitqan.
Esterińizde bolar, 2014 jyly Resei Ýkrainanyń Qyrymyn anneksiialap alǵannan keiin shekteýdiń alǵashqy paketin jariialaǵanda sanktsiiaǵa ushyraǵan qurylymdardyń bel ortasynda osy Gazprombank boldy.
Al Resei 2022 jyldyń aqpanynda Ýkrainaǵa basyp kirgennen keiin «Gazprombankke» qarsy sanktsiialyq shekteýdiń mazmuny jańaryp, kúsheie túskenin bilemiz. Sonymen qatar, banktiń top-menedjerlerine de sanktsiia salynyp, AQSh pen Batys elderine barý quqyǵynan aiyrylǵan bolatyn.
