Jyl saıyn sel qaýpi bar kezeńde İAAPTB "Qazseldenqorǵaý" MM Almaty oblysynyń TJD-men birlesip, Talǵar jáne Túrgen ózenderiniń baseınderindegi neǵurlym serpindi morenalyq-muzdyq kólderdi bosatý boıynsha aldyn alý jumystaryn sýdy ózdiginen aǵyzý úshin sıfon qubyrlaryn tóseý, qolmen júrgiziletin aǵyzý arnalaryn tereńdetý, sondaı-aq ónimdiligi joǵary sorǵylardy ornatý jolymen júrgizedi, – dep habarlaıdy Dalanews.kz Almaty oblysy TJD baspasóz qyzmetine silteme jasap.
Aǵymdaǵy jyly 4 morenalyq kólde bosatý boıynsha aldyn alý jumystaryn júrgizý josparlanýda.
Anyqtama:
1) Talǵar ózeniniń baseınindegi №8A Morena kóliniń evakýasıalyq kanalynyń aǵymdaǵy jóndeý-qalpyna keltirý jumystary.
2) Qaskeleń ózeni baseınindegi №15 Morena kóliniń evakýasıalyq kanalynyń aǵymdaǵy jóndeý-qalpyna keltirý jumystary.
3) Talǵar ózeniniń baseınindegi №19 Morena kóliniń evakýasıalyq kanalynyń aǵymdaǵy jóndeý-qalpyna keltirý jumystary.
4) Túrgen ózeni baseınindegi №1 Morena kóliniń evakýasıalyq kanalynyń aǵymdaǵy jóndeý-qalpyna keltirý jumystary.
Atalǵan jumystardy júrgizý úshin oblys ákiminiń qoldaýymen jergilikti búdjetten qarjy bólindi, onyń ishinde polıetılen qubyrlaryn, jabdyqtardy satyp alý jáne olardy ornatý, morena kólderiniń evakýasıalyq arnalaryn tazartý jáne tereńdetý.
Qaýipti morenalyq kólderdi bosatý jónindegi aldyn alý jumystary aǵymdaǵy jyldyń qyrkúıek aıynyń sońyna deıin jalǵasatyn bolady. Búgingi kúni Talǵar aýdanynyń Talǵar ózeniniń baseınindegi №19 morenalyq kólde aldyn alý jumystary júrgizilýde, sondaı-aq qalyptasqan jaǵdaılardan bastap Eńbekshiqazaq aýdanynyń Túrgen ózeniniń baseınindegi №2 jáne №5 morenalyq kólderde qosymsha aldyn alý jumystary júrgizilýde.
Aǵymdaǵy jylǵy 17 shildede morenalyq-muzdyq kólderdegi jumysshylarǵa
№2,№, 5 jáne № 19 "Qazavıaqutqarý" AQ MI-8 tikushaǵymen tamaq ónimderin jetkizý, generator, toqylǵan sym, 10*5-ten 4m 10 dana taqtalar, 200mm 3kg shegeler, 1000m arqan, 20 dana kanıstrler bos, uzartqysh 100m, eki taktili maı 1l, shynjyrly ara 1 dana.
Sel qaýpin kúndelikti baqylaý úshin 15 maýsymdyq jáne 18 turaqty posttar ashyldy.
İAAPTB "Qazseldenqorǵaý" MM bazasynda shuǵyl jumystardy júrgizý úshin apattyq brıgada quryldy (11 adam jáne 11 arnaıy tehnıka). Jalpy, sel jaǵdaıy Tótenshe jaǵdaılar mınıstriniń jeke baqylaýynda.
