Shaǵyn kıkiljińnen qandaı jaǵdaıdyń oryn alatynyn keshegi Qordaı oqıǵasy kórsetip otyr. Eregistiń sońy úlken janjalǵa ulasty. Adam shyǵyny boldy. Olardyń ımany salamat bolsyn. Biz osyndaı sátterde ashýdy aqylǵa jeńdirip, sabyrlyq tanytqanymyz jón.
El Prezıdenti Qasym-Jomart Toqaev Qordaıda oryn alǵan oqıǵaǵa baılanysty málimdeme jasap, qaza bolǵan azamattardyń otbasylaryna kóńil aıtty. Olarǵa tıisti kómek kórsetýdi tapsyrdy. Elde zań ústemdiginiń saqtalatynyn qadap aıtyp, Premer-Mınıstrdiń orynbasary tóraǵalyq etetin Úkimet komısıasyn qurdy.
Qazaqstannyń tynyshtyǵy, eń aldymen, el ıesi halqymyzǵa kerek. Zańǵa baǵyný - barlyq qazaqstandyqtardyń mindeti. Quzyrly organdarǵa kúsh kórsetýge eshkimge jol berilmeıdi.
Ultaralyq qarym-qatynas – óte názik dúnıe. Áp-sátte búldirip alý ońaı. Eger elde tatýlyq bolmasa, eń aldymen zardap shegetin halyq. Zańǵa júgingen, tatýlyq pen eldikti murat etken Elbasy saıasatyn ustanǵan elmiz. Barlyq másele zań aıasynda sheshilýi tıis.
Barshamyz, eń aldymen, partıalastar, osyǵan umtylýymyz kerek.
