Tikushaq jaldaǵan «bai emes, baidyń balasy da emes»
Kompaniianyń aviatsiia departamenti jetekshisi Qýanysh Musaevtyń sózinshe, jekemenshik mekeme kommertsiialyq qyzmet kórsetýge jýyrda ǵana ruqsat alǵan. Al jas jubailardyń tapsyrysy alǵashqysy eken.
– Sońǵy kezderi qarjylyq qiyndyqtar bolýyna bailanysty biz kommertsiialyq qyzmet kórsetý úshin ruqsat alǵan bolatynbyz. Arnaiy sait ashyp, jarnama da berip qoidyq. Al, jas jubailardyń tapsyrysy alǵashqysy edi. Biraq munshalyqty shý shyǵady dep oilamadyq. Iaǵni, toiǵa kelgen qonaqtar tikushaqty túsirip, áleýmettik jelilerge taratyp jiberipti. Endi bizge sony kesiri tiip ketýi múmkin, – deidi Qýanysh Musaev.
Esterińizge sala keteiik, kúni keshe ońtústik óńirinde toi kortedjimen birge ushqan tikushaqtyń beinejazbasy barlyq áleýmettik jelilerge tarap ketken bolatyn. Túsirilimde toi kortedjimen ilesip bara jatqan tikushaq tómen qarai túsip, qaita kóterilgen.
Búgin óńirdiń jergilikti politseileri osy jait boiynsha anyqtaý jumystaryna kirisken edi. Keiinnen úilenip jatqan azamat Aitýǵan esimdi sýretshi ekeni belgili boldy.
«Jigitter» tobynyń múshesi Baǵlan Ábdiraiymov instagramdaǵy paraqshasynda úilengen jigitke bylaisha ara tústi.
«Kezinde men úilengende sýretke túsirip qyzmet jasap edi. Búgin mine meniń de qyzmetim ótti. Búgingi internettiń «gúli» bolǵan osy jastar. Ol – bai emes, ol – baidyń balasy emes, ol – qarapaiym sýretke túsiretin, ideiasy myqty jigit! Vertoliotpen «gýlianka» jasap júrgen osy ǵoi! Alla baqtaryńdy ashsyn, Aitýǵan!», – dep jazdy Baǵlan Ábdiraiymov.
Eger qarapaiym sýretke túsiretin jigit tikushaq jaldap, toi kortedjin uiymdastyrsa, basqa el ne istemeidi? Sondyqtan bul jerde ánshiniń toi iesi «bai emes, baidyń balasy da emes» dep shyr-pyr bolyp ara túsýiniń jóni joq. Aqshasy bar, ideiasy joq bailar muny kórip, erteń «gýliankalaryna» tikushaq jaldaýdy ádetke ainaldyrýy múmkin. Sondyqtan buǵan bilik tarapynan tyiym salynýy qajet. Eger ushaq jerge jaqyn ushyp, jol boiyndaǵy symǵa qalaǵynyń ushy tiip ketse, talai adam mert bolmai ma?
Sondyqtan toiǵa tikushaq jaldaýdyń bas-aiaǵy osymen toqtaý kerek. Oiynnan órt shyǵyp ketýi múmkin.
Sonymen qatar munai komapniiasynyń ushqyshtarynyń toiǵa qyzymet kórsetýine qatań túrde tyiym salýy kerek. Eger buǵan tyiym salmasaq, toiǵa qyzmet kórsetip kúrep aqsha taýyp júrgen ideiasy «myqty» jigitter bir áskeri bólimshemen kelisip, onshaqty tankti jaldap, toi sherýin uiymdastyryp, ózi áreń turǵan joldarymyzdy talqandaýy múmkin.
https://dalanews.kz/29149
