Tikelei efirde «Ákim saǵaty» ótedi
Tikelei efir arqyly kórermenmen bailanysqa shyqqan óńir basshysy ońtústikqazaqstandyqtardyń suraqtaryna jaýap beretin bolady.
Tikelei efir barysynda Elbasy Nursultan Nazarbaevtyń «Bes áleýmettik bastama» baǵdarlamasynyń óńirdegi oryndalý barysy men oblystyń áleýmettik-ekonomikalyq damýy, bilim jáne ǵylym, mádeniet, óner taǵy da basqa salalarda kezdesetin ózekti de, ótkir máselelerdiń sheshilý joldary áńgimege arqaý bolmaq.
Sondyqtan, árbirińizdiń aldaǵy 1.5 saǵattyq tikelei efir kezinde qońyraý shalyp, suraq qoiýǵa múmkindikterińiz bar. Saýaldaryńyzdy tómende kórsetilgen bailanys nómirlerine -53-52-17; -53-94-72; -55-12-09 habarlasyp qoiýǵa jáne 8702-198-53-23 nómirine ýatsap jelisi arqyly ne bolmasa akimgesurak@gmail.com elektrondy poshtaǵa jazbasha joldaýǵa bolady.
Budan bólek, turǵyndar transliatsiia jasalyp jatqan Ońtústik Qazaqstan oblystyq ákimdiginiń Feisbýktegi resmi paraqshasy arqyly da saýal joldaýǵa múmkindik alyp otyr.
Baǵdarlama barysynda telearnada arnaiy Call-ortalyq jumys isteýde. Olar turǵyndardan kelip túsken saýaldardy jinaqtap, ákimge joldap otyratyn bolady. Úsh million halqy bar óńir turǵyndarynyń saýaldaryna árine, eki saǵatqa jýyq aralyqta tolyqtai jaýap berý múmkin emes. Sondyqtan da qalǵan suraqtar oblys ákimdiginiń nazaryna alynyp, aldaǵy ýaqytta jaýaby beriletin bolady.
