Threads-te qazaq tili trendke ainaldy, dep habarlaidy Dalanews.kz.
Áleýmettik jeli qoldanýshylary qazaq tiliniń qoldanysyn keńeitip, tek qazaqsha sóileýdi úndegen.
"Orys tobynda oqydym. Oryssha oilanamyn, oiymdy jetkizgende de oryssha sózder qoldanǵan yńǵaily. Soǵan qaramastan, tredsti taza qazaqsha júrgizýge sheshim qabyldadym. Meni qoldap jiberińizder".
"Taza qazaqsha oqyp, jazaiyq. Ýhti, Ahi, Bratan, Sestra degen siiaqty sózder kerek emes. Ápekem, sińilim, qaryndasym, aǵam, baýrym, inim degen siiaqty óz tilimizde aitaiyq! Tilimiz bai til ǵoi. Ózge tildi bileiik, óz tilimizdi qurmetteiik".
"Qazir eldiń jappai qazaqsha jazaiyq, sóileseiik dep jatqanyna qýanam. Men burynnan qai ult ókili bolsyn, qazaqsha surai beremin. Qyrsyǵyp, eregiskennen emes, elde turǵan soń, rasymen qarapaiym sózderdi túsinedi ǵoi dep oilaimyn. Biraq birtúrli bir jaǵdai bolǵan. Áńgime ol jaily emes (qyzyq bolsa, tómeeen jaqtan oqysańyz bolady). Ótkende osynda satýshylar “0 tenge i 1 sekýnda…” dep jazsa, kóóp lúpil jinap jatqanyn kórdim. Sodan dekrette ony-muny satyp otyrǵan men de solai jazǵym keldi".
