Taldyqorǵanda órt sóndirý kezinde tótenshe jaǵdaılar departamentiniń qyzmetkeri bıikten qulap ketti. Oqıǵa turǵyn úıdegi órtti sóndirý barysynda bolǵan, dep habarlaıdy Dalanews.kz.
Áleýmettik jelide taraǵan vıdeodan órt sóndirýshiniń satymen úshinshi qabatqa kóterilip bara jatqan sáti kórinedi. Ol órt shyqqan páterdiń terezesinen ishke kirýge árekettenip jatqanda, kenetten qulap ketip, betonǵa qulaǵan. Vıdeo avtorynyń aıtýynsha, saty ornyqty bolmaǵan, saldarynan qyzmetker esinen tanyp qalǵan.
— Úshinshi qabattan qulady. Álsirep jatyr. Bir jeri synǵan shyǵar, – deıdi kýáger.
Jeli qoldanýshylary bul jaǵdaıǵa alańdaýshylyq bildirip, órt sóndirýshilerdiń qaýipsizdigine jáne arnaıy tehnıkanyń jetkiliksizdigine nazar aýdardy. Olar tótenshe jaǵdaılar mınıstrinen jaýap kútetinin jazyp jatyr.
"Mine jumystaryna adaldyq dep osynaý aıtýǵa bolady, sen tur men shyǵaıyn degen jigitter, kóz aldynda áriptesteri qulap jatsada, boı bermeı ekinshisi óz ómirin báıgege tigýge daıyn azamattar. Eńbekteri baǵalaý kerek"
