Tesla Education daýyna tap bolǵan balalar ózge bilim ortalyqtarynda tegin oqýdy jalǵastyrady, dep habarlaidy Dalanews.kz.
Eldegi jetekshi bilim berý ortalyqtary birlesip, ata-analar men oqýshylardy tyǵyryqtan shyǵarýǵa kelisken.
Májilis depýtaty Oljas Quspekov "Pifagor", JUZ40, "Samǵa", "Dostyq", "Zerdeli" jáne basqa da tanymal ortalyqtarmen onlain kezdesý ótkizgen.
Kezdesýde kóterilgen negizgi máseleler – Tesla Education tóńiregindegi jaǵdaidan zardap shekken úsh myńnan asa oqýshy men ata-anany qalai qorǵaýǵa bolatyny jáne mundai oqiǵalardyń aldyn alý joldary.
Bilim ortalyqtary ortaq sheshimge kele alǵan. Shyǵynǵa ushyraǵan otbasylardyń balalaryn ózara bólip, UBT-ǵa jáne basqa da pánder boiynsha tegin daiyndaýdy moinyna alǵan. "Zerdeli", "Pifagor" jáne JUZ40 ortalyqtary buǵan daiyn ekenin rastaǵan. Bir talap – ata-ana tólem jasaǵanyn dáleldeitin túbirtek.
Eske salaiyq, buǵan deiin myńdaǵan ata-ana bilim ortalyǵyn alaiaqtyqpen ainalysty dep aiyptady.
