Tesla Education داۋىنا تاپ بولعان بالالار وزگە ءبىلىم ورتالىقتارىندا تەگىن وقۋدى جالعاستىرادى، دەپ حابارلايدى Dalanews.kz.
ەلدەگى جەتەكشى ءبىلىم بەرۋ ورتالىقتارى بىرلەسىپ، اتا-انالار مەن وقۋشىلاردى تىعىرىقتان شىعارۋعا كەلىسكەن.
ءماجىلىس دەپۋتاتى ولجاس قۇسپەكوۆ "پيفاگور"، JUZ40، "سامعا"، "دوستىق"، "زەردەلى" جانە باسقا دا تانىمال ورتالىقتارمەن ونلاين كەزدەسۋ وتكىزگەن.
كەزدەسۋدە كوتەرىلگەن نەگىزگى ماسەلەلەر – Tesla Education توڭىرەگىندەگى جاعدايدان زارداپ شەككەن ءۇش مىڭنان اسا وقۋشى مەن اتا-انانى قالاي قورعاۋعا بولاتىنى جانە مۇنداي وقيعالاردىڭ الدىن الۋ جولدارى.
ءبىلىم ورتالىقتارى ورتاق شەشىمگە كەلە العان. شىعىنعا ۇشىراعان وتباسىلاردىڭ بالالارىن ءوزارا ءبولىپ، ۇبت-عا جانە باسقا دا پاندەر بويىنشا تەگىن دايىنداۋدى موينىنا العان. "زەردەلى"، "پيفاگور" جانە JUZ40 ورتالىقتارى بۇعان دايىن ەكەنىن راستاعان. ءبىر تالاپ – اتا-انا تولەم جاساعانىن دالەلدەيتىن تۇبىرتەك.
ەسكە سالايىق، بۇعان دەيىن مىڭداعان اتا-انا ءبىلىم ورتالىعىن الاياقتىقپەن اينالىستى دەپ ايىپتادى.
