Resei prezidentiniń Qazaqstandaǵy memlekettik sapary kezinde "Astana Opera" teatryndaǵy LED-ekranda Ýkrainanyń týy kórsetilgen. Ishki ister ministrligi bul derekke qatysty tergeýdi bastady, dep habarlaidy Dalanews.kz.
27 qarashada "Astana Opera" teatrynyń ekranynda bastapqyda Resei týy kórsetilip turǵan. Artynsha ekranda Ýkraina týy kórsetile bastaǵan.
"Chemodan gossekretov" telegram arnasyndaǵy málimet boiynsha,Ýkraina týy kórsetilgen LED-ekranǵa sheteldik IP-mekenjaidan proksi-júielerdi qoldaný arqyly shabýyl jasalǵan.
"Memlekettik tehnikalyq qyzmet istiń mán-jaiyn anyqtaý boiynsha tehnikalyq sharalar keshenin júrgizýde. Qylmystyq is qozǵaldy", delingen jazbada.
Qazaqstannyń Ishki ister ministrligi eki nusqany qarastyryp otyr: birinshisi - tehnikalyq aqaý, ekinshisi - hakerlik shabýyl.
«Oqiǵanyń barlyq mán-jaiy anyqtalyp, zańsyz áreketterge kináliler jaýapqa tartylady», - dep habarlady Ishki ister ministrligi.
Eske salaiyq, 27 qarashada Resei Federatsiiasynyń prezidenti Vladimir Pýtin Astanaǵa memlekettik saparmen keldi. Qasym-Jomart Toqaev Pýtindi elorda áýejaiynan qarsy aldy.
Mártebeli qonaqty kútip alý úshin áýejaida Qurmet qaraýyly sap túzedi.
Qazaqstan men Resei halyqtarynyń shynaiy dostyǵynyń belgisi retinde balalar eki eldiń jalaýyn jelbiretip, qoshemet kórsetti jáne Vladimir Pýtin bastaǵan Resei delegatsiiasyna iltipat bildirip, óleń oqydy.
Budan keiin kásibi sýretshi Ásel Sabyrjanqyzy (Assol) Vladimir Pýtin Astanaǵa ushqan sátte sala bastaǵan kartinasyn tanystyrdy. Ol sondai-aq memleketter basshylaryna polotnony jazýǵa úles qosýdy usyndy.
Kartina Resei Prezidentine sapar sońynda syiǵa tartylady.
