Jalpy, destrýktıvti dinı aǵymdar da zaman aǵymyna saı ózderiniń jumysyn jańartyp, jańǵyrtyp otyratynyn umytpaýymyz kerek. Búginde dinı aǵamdardyń óz jumysyn kóshede ashyq júrgizbegenimen búkil halyq kóz almaı qarap otyrǵan áleýmettik jelide jurtty arbap, kópshilikti óz jaǵyna tartýǵa árekettenip júrgeni jasyryn emes. Osylaısha ekstrımıstik toptar áleýmettik jelini de óziniń ıdeologıasyn nasıhattaıtyn quralǵa aınaldyryp aldy.
Osyǵan deıin tehnologıanyń qaryshtap damýy adamzat balasynyń bilimdarlyǵyn arttyryp, kókirek kózin asha túsedi dep bir jaqty oılap keldik.
Biraq ekstrımıstik uıymdardyń jańa tehnologıa ıgiligin óz maqsatyna paıdalanǵanyn kórgenimizde adamdardyń bilimdi bolý tehnologıamen baılanystyrýdyń qate ekenin kózimiz jetkendeı boldy. Bilimdi bolý, oqýǵa qumartý adamnyń jeke yqylasynan týyndaıtyn dúnıe ekenin baıqadyq. Kez kelgen qoǵam jańa tehnologıanyń kómegin paıdalanyp dinı ekstrızmge toıtarys berý kerek.
Dinı ekstrımızmniń aldyn alý aýqymdy úlken jumys. Muny memlekettik deńgeıdi is-sharalar qabyldap qana shekteýge bolady. Qazirgi tańda bizdiń elimizde dinı ekstrımızmniń keń tarlmaýy úshin barlyq múmkindikter qarastyrylǵan. Bul rette arnaıy zańdardyń qabyldanyp, qoı terisin jamylǵan ekstrımıstik uıymdardyń naqty nemen aınalysatynyn ashyp aıtyp, halyqty saqtandyryp otyratyn júıe qalyptasqan.
Óz kezeginde Dalanews.kz aqparattyq agenttigine Shyǵys Qazaqstan oblysy boıynsha Din isterin zertteý ortalǵynyń dırektory Ernar Qydyrmollaev elimizde destrýktıvti aǵymdarǵa qarsy kúrestiń qalaı qalaptasqanyn qysqasha áńgimelep berdi.
– Destrýktıvti aǵymdarǵa qarasy kúreske memleketimiz qatty kóńil bólip otyr. Óz basym bul baǵyttaǵy jumystardy úshke bólip ataýǵa bolady. Birinshisi, aqparattyq túsindirý jumystary. Bizdiń ortalyq Shyǵys Qazaqstan oblysy aýmaǵynda aqparattyq túsindirý jumystaryn úzdiksiz júrgizip keledi. Aqparattyq jumystardy júrgizgende kezinde qandaıda bir teris aǵymdardyń arbaýyna túsip qalǵan toptar men adamdarmen bizdiń mamandar júıeli túrde túsindirý jumystaryn júrgizedi. Óıtkeni olardy bir aıtqannan raıynan qaıta qoımaıtyny belgili. Sol sebepti mundaı adamdardy tirkeýge alyp, olarmen udaı jumys isteımiz. Al qarapaıym halyqqa «dinı ekstrımızm men dinı terorızm ne ekenin, odan ózi men jaqyndaryn qalaı saqtaýdyń joldaryn túsindiremiz.
Ekinshi, aderstik jumys dep atalady. Ortalyqtyń telogtar men mamandary destrýktıvti aǵymnyń sońyna túsip ketken adammen betpe-bet otyryp jumys isteıdi. Teris aǵymdardyń nasıhaty ótip ketken mundaı adamdardyń bir sátte betin qaıtarý múmkin emes. Óıtkeni olardyń da qarsy aıtatyn ýáji taýsylmaıdy. Mundaıda bizdiń teolog mamandar qazaq topyraǵynda paıda bolǵan dástúrli dinder jaıynda maǵulmat berip, adasqan adamnyń kózin ashýǵa tyrysamyz. Jat aǵymnyń soǵyna túsken adamdarmen jumys isteýdegi tıimdi tásildiń biri – bizdiń zańdarymyz bolyp tur. Mamandar el azamattary Qazaqstannyń zańdaryn basshylyqqa alyp ómir súretinin aıtyp, túsindiredi. Qazaqstan zańdary el aýmaǵynda destrýktıvti aǵymdardyń shektep, ony nasıhattaýshylardy qylmystyq jaýapkershilikke tartatynyn aıtyp jan-jaqty túsindiremiz. Osylaısha destrýktıvti aǵymdardyń jeteginde ketken azamattardyń sanasyna sáýle túsirýge barynsha tyrysyp kelemiz.
Osy rette ekinshi baǵyt boıynsha bostandyqta júrgen azamattardyń ǵana emes, dinı ekstrızm boıynsha aıyptalyp temir tordyń arǵy jaǵynda jazasyn ótep júrgen azamattarmen de jumys isteıtinimizdi aıta ketýimiz kerek. Osylaısha bizdiń mamandar túzetý mekemelerine júıeli túrde baryp, olardyń suraqtaryna jaýap berip, dástúrli dinimiz ben qundylyqtarymyz jaıynda áńgimelep olardy mazalǵan suraqtarǵa jaýap beredi.
Úshinshi baǵyttaǵy jumysymyzdy ǵalamtor jelisindegi kontrpropagandalyq jumys dep atasaq bolady. Qazirgi tańda destrýktıvti aǵamyzdar ındeologıasyn áleýmettik jeli men ınternet jelisi arqyly júrgizgendi jón kóredi. Halyqtyń jat aǵymdardyń arbaýyna túsip qalmaýy úshin ortalyqtyń kontrpropagandalyq bóliminde bilikti telogtar, psıholog mamandarmen qatar ınternet jelisin jetik beletin İT mamandary da úzdiksiz jumys istep keledi. Ortalyq qyzmetkerleri diniı aǵymdardan qalaı saqtanýdy úndeıtin qysqa metrajdy fılmder men rolıkterdi áleýmettik jelilerge udaıy júktep otyrady.
Budan basqa bizdiń teolog mamandar dingi qatysty halyqty mazalap júrgen suraqtar boıynsha arnaıy rolıkter túsirip, ony keńinen nasıhattaımyz. Osylaısha oblys aýmaǵyndaǵy halyqtyń jat aǵymdardyń arbaýyna túsip ketpeýi úshin bar kúsh-jigerimizdi salýdamyz, – deıdi Ernar Qydyrmollaev myrza.
Búginde destýrktıvti aǵymdarǵa qarsy jumystardy bir sátke de bosańsytýǵa bolamaıdy. Olar bos keńistikte lezde óz ıdeologıasymen toltyryp tastaıtyny belgili. Sondyqtan elimizdiń ár oblysynda Din isterin zertteý ortalyqtarynyń jasqatalyp, dinı ekstrmızmge qarsy jumystardyń júrip jatqanyn kópshilik bolyp qoldaýymyz kerek. Bul saladaǵy teolog mamandardyń sanyn arttyryp, halyqtyń dinı saýattylǵyn kótergen saıyn qaýip bulty seıiletini anyq.
