Teńiz ken ornynda gaz separatsiialaý keshenin italiandyq Tecnimont S. p.a. kompaniiasy men livandyq Consolidated Contractors International Company-dy qamtityn konsortsiým salatyn boldy, dep habarlaidy Dalanews.kz.
"QMG-nyń enshiles uiymy "KMG PetroChem" JShS Italiianyń Tecnimont S.p.A. jáne Livannyń Consolidated Contractors International Company (CCIC) kompaniialarynyń konsortsiýmy Atyraý oblysynda gaz separatsiialaý keshenin (GSK) salý jónindegi EPC-kelisimshartqa (injiniring, jabdyqtaý jáne qurylys) qol qoidy", delingen ulttyq kompaniia habarlamasynda.
EPC - kelisimshart óńdeý qýaty jylyna 9,1 mlrd tekshe metr bolatyn GSK-ny jobalaýdy, materialdyq-tehnikalyq qamtamasyz etýdi jáne tolyq aýqymdy qurylys jumystaryn qamtidy. Bul elimiz úshin biregei joba, óitkeni Qazaqstanda mundai kólemdegi keshen buryn bolmaǵan. Ol Teńiz ken ornynda salynady.
"GSK jobasy "Silleno" JShS-niń polietilen zaýytyn jylyna 1,6 mln tonnaǵa deiin etanmen qamtamasyz etýdi jáne qosymsha 360 myń tonnaǵa deiin propan óndirýdi kózdeidi. Bul fraktsiialar "Teńizshevroil" JShS jetkizetin tazartylǵan qurǵaq gazdy separatsiialaý arqyly bólinip alynady", dep naqtylanady.
2025 jylǵy mamyrda bastalǵan erte qurylys-injiniring jumystary — jobany iske asyrý merziminiń saqtalýyn qamtamasyz etetin mańyzdy kezeń ekenin atap ótken jón.
GSK jobasy Qazaqstannyń munai-gaz himiiasy salasyn damytyp, qosylǵan quny joǵary ónim shyǵarý úshin turaqty shikizat bazasyn qalyptastyrýǵa jol ashady. Sonymen qatar jobany júzege asyrý kezinde jergilikti qamtýǵa basymdyq beriledi: qurylysqa, qyzmet kórsetýge jáne taýar jetkizýge qazaqstandyq kásiporyndar keńinen tartylady.
Budan bólek kelisimsharttyń mindettemeleri aiasynda GSK iske qosylǵannan keiin paidalaný jáne tehnikalyq qyzmet kórsetý jumystaryn oryndaityn qazaqstandyq mamandardy daiarlaý men olardyń biliktiligin arttyrýǵa baǵyttalǵan keshendi baǵdarlama kózdelgen.
Aita ketsek, "KMG PetroChem" JShS — "QazMunaiGaz" UK AQ-nyń 100% enshiles kásiporny, munai-gaz himiiasy jobalaryn iske asyrady jáne úilestiredi. Tecnimont S.p.A. — Maire Group-tyń enshiles kásiporny, óńdeý ónerkásibi úshin injiniring salasyndaǵy álemdik kóshbasshy kompaniiasy. Consolidated Contractors International Company (CCIC) — 1952 jyly qurylǵan, munai-gaz, munai-himiia jáne infraqurylym salalaryndaǵy iri jobalarǵa mamandanǵan halyqaralyq EPC kompaniiasy.
