تەڭٸز كەن ورنىندا گاز سەپاراتسييالاۋ كەشەنٸن يتالياندىق Tecnimont S. p.a. كومپانيياسى مەن ليۆاندىق Consolidated Contractors International Company-دى قامتيتىن كونسورتسيۋم سالاتىن بولدى, دەپ حابارلايدى Dalanews.kz.
"قمگ-نىڭ ەنشٸلەس ۇيىمى "KMG PetroChem" جشس يتالييانىڭ Tecnimont S.p.A. جەنە ليۆاننىڭ Consolidated Contractors International Company (CCIC) كومپانييالارىنىڭ كونسورتسيۋمى اتىراۋ وبلىسىندا گاز سەپاراتسييالاۋ كەشەنٸن (گسك) سالۋ جٶنٸندەگٸ EPC-كەلٸسٸمشارتقا (ينجينيرينگ, جابدىقتاۋ جەنە قۇرىلىس) قول قويدى", دەلٸنگەن ۇلتتىق كومپانييا حابارلاماسىندا.
EPC - كەلٸسٸمشارت ٶڭدەۋ قۋاتى جىلىنا 9,1 ملرد تەكشە مەتر بولاتىن گسك-نى جوبالاۋدى, ماتەريالدىق-تەحنيكالىق قامتاماسىز ەتۋدٸ جەنە تولىق اۋقىمدى قۇرىلىس جۇمىستارىن قامتيدى. بۇل ەلٸمٸز ٷشٸن بٸرەگەي جوبا, ٶيتكەنٸ قازاقستاندا مۇنداي كٶلەمدەگٸ كەشەن بۇرىن بولماعان. ول تەڭٸز كەن ورنىندا سالىنادى.
"گسك جوباسى "سيللەنو" جشس-نٸڭ پوليەتيلەن زاۋىتىن جىلىنا 1,6 ملن تونناعا دەيٸن ەتانمەن قامتاماسىز ەتۋدٸ جەنە قوسىمشا 360 مىڭ تونناعا دەيٸن پروپان ٶندٸرۋدٸ كٶزدەيدٸ. بۇل فراكتسييالار "تەڭٸزشەۆرويل" جشس جەتكٸزەتٸن تازارتىلعان قۇرعاق گازدى سەپاراتسييالاۋ ارقىلى بٶلٸنٸپ الىنادى", دەپ ناقتىلانادى.
2025 جىلعى مامىردا باستالعان ەرتە قۇرىلىس-ينجينيرينگ جۇمىستارى — جوبانى ٸسكە اسىرۋ مەرزٸمٸنٸڭ ساقتالۋىن قامتاماسىز ەتەتٸن ماڭىزدى كەزەڭ ەكەنٸن اتاپ ٶتكەن جٶن.
گسك جوباسى قازاقستاننىڭ مۇناي-گاز حيميياسى سالاسىن دامىتىپ, قوسىلعان قۇنى جوعارى ٶنٸم شىعارۋ ٷشٸن تۇراقتى شيكٸزات بازاسىن قالىپتاستىرۋعا جول اشادى. سونىمەن قاتار جوبانى جٷزەگە اسىرۋ كەزٸندە جەرگٸلٸكتٸ قامتۋعا باسىمدىق بەرٸلەدٸ: قۇرىلىسقا, قىزمەت كٶرسەتۋگە جەنە تاۋار جەتكٸزۋگە قازاقستاندىق كەسٸپورىندار كەڭٸنەن تارتىلادى.
بۇدان بٶلەك كەلٸسٸمشارتتىڭ مٸندەتتەمەلەرٸ اياسىندا گسك ٸسكە قوسىلعاننان كەيٸن پايدالانۋ جەنە تەحنيكالىق قىزمەت كٶرسەتۋ جۇمىستارىن ورىندايتىن قازاقستاندىق مامانداردى دايارلاۋ مەن ولاردىڭ بٸلٸكتٸلٸگٸن ارتتىرۋعا باعىتتالعان كەشەندٸ باعدارلاما كٶزدەلگەن.
ايتا كەتسەك, "KMG PetroChem" جشس — "قازمۇنايگاز" ۇك اق-نىڭ 100% ەنشٸلەس كەسٸپورنى, مۇناي-گاز حيميياسى جوبالارىن ٸسكە اسىرادى جەنە ٷيلەستٸرەدٸ. Tecnimont S.p.A. — Maire Group-تىڭ ەنشٸلەس كەسٸپورنى, ٶڭدەۋ ٶنەركەسٸبٸ ٷشٸن ينجينيرينگ سالاسىنداعى ەلەمدٸك كٶشباسشى كومپانيياسى. Consolidated Contractors International Company (CCIC) — 1952 جىلى قۇرىلعان, مۇناي-گاز, مۇناي-حيمييا جەنە ينفراقۇرىلىم سالالارىنداعى ٸرٸ جوبالارعا ماماندانعان حالىقارالىق EPC كومپانيياسى.
