Atyraý oblysyndaǵy «Teńiz» ken ornynda keıingi jarty jylda munaı óndirisi 3,7%-ǵa azaıǵan. Sondaı-aq, osy ken ornynan óndirilgen ilespe gaz kólemi 4,2%-ǵa tómendegen.
«QazMunaıGaz» AQ baspasóz qyzmetiniń aqparatyna súıensek, elimizde munaı jáne gaz kondensatynyń óndirmuis kólemi 1,1%-ǵa artyp, 11 mln 989 myń tonna bolǵan.
«Al «Teńiz» ken ornynda munaı óndirisi 3,7%-ǵa azaıyp, 2 mln 872 myń tonna bolyp otyr. Bul – táýligine 126 myń barel degen sóz. Osy rette ilespe gaz óndirisi kólemi 4,2%-ǵa tómendep, 1 mlrd 587 mln tekshe metr bolyp otyr. Kórsetkish bıyl mamyr aıynda shıki gaz aıdaý obektilerinde kúrdeli jóndeý júrgizilgendikten tómendedi», - dep habarlady kompanıanyń baspasóz qyzmeti.
«Teńiz» ken ornynda bıyl sáýirde uńǵy erneýindegi qysymdy basqarý jobasynyń nysandaryn paıdalanýǵa berý boıynsha jumys bastalǵan. Jańartylǵan kestege sáıkes, keleshek keńeıtý jobasy 2025 jyldyń ekinshi toqsanynda iske qosylady dep josparlanyp otyr.
