Ulttyq ekonomika vitse-ministri Arman Qasenov teńgeniń qunsyzdanýyna negiz joq ekenin aitty, dep habarlaidy Dalanews.kz.
"...Mine, sońǵy úsh jylda BAQ-ta sarapshylardyń baǵa qatty qymbattaityndyǵy týraly túrli boljamdary jariialanyp keledi, biraq árdaiym kútilgen jaǵdai oryn alǵan emes. Shyndyǵynda, bizde devalvatsiianyń bolmaǵanyna kóp ýaqyt boldy, bilesizder be, óitkeni devalvatsiia bolý úshin árdaiym naqty irgeli negizder bolýy tiis, qazir, árine, onyń eshqaisysy baiqalmaidy. Bizdiń eksporttyń deńgeiin kórip otyrsyzdar, biylǵy eksport kólemi ótken jylmen salystyrǵanda áldeqaida joǵary. Import tómendedi. Bizde búgingi saýda balansy áldeqaida taza. Sondyqtan, dál qazir bizde devalvatsiianyń bolýyna túrtki eshqandai sebep joq", - dedi vitse-ministr beisenbide Senat dálizinde bildirgen pikirinde.
Ol ulttyq valiýta baǵamy turaqtaityndyǵyna senimdi.
"Valiýtamyz turaqty. Árine, oǵan ártúrli faktorlar áser etýi múmkin. Kez-kelgen basqa valiýtalardaǵydai, ol eldiń eksportyna-importyna bailanysty bolady, sondyqtan mundai áserler bolǵanda baǵam ózgerýi múmkin, alaida, jalpylai alǵanda valiýtanyń turaqtalǵanyn kóresiz, tipti infliatsiiany qosa eseptegende, ulttyq valiýta túrindegi depozitterdiń kiristiligi shetel valiýtasyna qaraǵanda áldeqaida tabysty ekenin baiqaýǵa bolady. Sondyqtan, óz basym, ulttyq valiýtanyń turaqty bolatynyna senemin", - dedi Qasenov.
Aita ketsek, 9 qazanda Qazaqstan qor birjasyna AQSh dollary 491,25 teńgeden saýdalanyp, sońǵy bes aita ulttyq valiýta baǵamy baqandai 10 paiyzǵa qunsyzdanǵan bolatyn. 2024 jyly mamyr aiynda ǵana AQSh dollarynyń baǵamy 441, 4 teńgeni quraǵan. Budan keiin sarapshylar alda, tipti bir dollar 500 teńgeden satylýy múmkin ekenin de boljai bastady.
