ۇلتتىق ەكونوميكا ۆيسە-ءمينيسترى ارمان قاسەنوۆ تەڭگەنىڭ قۇنسىزدانۋىنا نەگىز جوق ەكەنىن ايتتى، دەپ حابارلايدى Dalanews.kz.
"...مىنە، سوڭعى ءۇش جىلدا ب ا ق-تا ساراپشىلاردىڭ باعا قاتتى قىمباتتايتىندىعى تۋرالى ءتۇرلى بولجامدارى جاريالانىپ كەلەدى، ءبىراق ءاردايىم كۇتىلگەن جاعداي ورىن العان ەمەس. شىندىعىندا، بىزدە ديەۆالۆاسيانىڭ بولماعانىنا كوپ ۋاقىت بولدى، بىلەسىزدەر بە، ويتكەنى ديەۆالۆاسيا بولۋ ءۇشىن ءاردايىم ناقتى ىرگەلى نەگىزدەر بولۋى ءتيىس، ءقازىر، ارينە، ونىڭ ەشقايسىسى بايقالمايدى. ءبىزدىڭ ەكسپورتتىڭ دەڭگەيىن كورىپ وتىرسىزدار، بيىلعى ەكسپورت كولەمى وتكەن جىلمەن سالىستىرعاندا الدەقايدا جوعارى. يمپورت تومەندەدى. بىزدە بۇگىنگى ساۋدا بالانسى الدەقايدا تازا. سوندىقتان، ءدال ءقازىر بىزدە ديەۆالۆاسيانىڭ بولۋىنا تۇرتكى ەشقانداي سەبەپ جوق"، - دەدى ۆيسە-مينيستر بەيسەنبىدە سەنات دالىزىندە بىلدىرگەن پىكىرىندە.
ول ۇلتتىق ۆاليۋتا باعامى تۇراقتايتىندىعىنا سەنىمدى.
"ۆاليۋتامىز تۇراقتى. ارينە، وعان ءارتۇرلى فاكتورلار اسەر ەتۋى مۇمكىن. كەز-كەلگەن باسقا ۆاليۋتالارداعىداي، ول ەلدىڭ ەكسپورتىنا-يمپورتىنا بايلانىستى بولادى، سوندىقتان مۇنداي اسەرلەر بولعاندا باعام وزگەرۋى مۇمكىن، الايدا، جالپىلاي العاندا ۆاليۋتانىڭ تۇراقتالعانىن كورەسىز، ءتىپتى ينفلياسيانى قوسا ەسەپتەگەندە، ۇلتتىق ۆاليۋتا تۇرىندەگى دەپوزيتتەردىڭ كىرىستىلىگى شەتەل ۆاليۋتاسىنا قاراعاندا الدەقايدا تابىستى ەكەنىن بايقاۋعا بولادى. سوندىقتان، ءوز باسىم، ۇلتتىق ۆاليۋتانىڭ تۇراقتى بولاتىنىنا سەنەمىن"، - دەدى قاسەنوۆ.
ايتا كەتسەك، 9 قازاندا قازاقستان قور بيرجاسىنا اقش دوللارى 491،25 تەڭگەدەن ساۋدالانىپ، سوڭعى بەس ايتا ۇلتتىق ۆاليۋتا باعامى باقانداي 10 پايىزعا قۇنسىزدانعان بولاتىن. 2024 جىلى مامىر ايىندا عانا اقش دوللارىنىڭ باعامى 441، 4 تەڭگەنى قۇراعان. بۇدان كەيىن ساراپشىلار الدا، ءتىپتى ءبىر دوللار 500 تەڭگەدەن ساتىلۋى مۇمكىن ەكەنىن دە بولجاي باستادى.
