Temirtaýda Metallýrgter dańǵylyndaǵy jol jóndeý jumystary júrip jatqan aýmaqta bala sý tolǵan qazanshuńqyrǵa qulap ketti. Oqiǵa Metallýrgter dańǵyly men Amangeldi kóshesiniń qiylysynda bolǵan, dep habarlaidy dalanews.kz.
Kýágerlerdiń aitýynsha, bala ata-anasymen birge júrgen. Olardyń sózinshe, jóndeý júrgizilip jatqan aýmaq jetkilikti jaryqtandyrylmaǵan ári qaýipsizdik qorshaýlary talapqa sai ornatylmaǵan.
Temirtaý qalasynyń turǵyn úi-kommýnaldyq sharýashylyq bólimi balanyń aýrýhanaǵa jetkizilgenin habarlady. Qazirgi tańda onyń jaǵdaiy turaqty dep baǵalanýda.
Oqiǵadan keiin merdiger uiymǵa qurylys alańyndaǵy qorshaýlardy kúsheitip, qaýipsizdik sharalaryn qatańdatý tapsyryldy. Sondai-aq mundai jaǵdaidyń qaitalanbaýy úshin qosymsha qaýipsizdik talaptaryn engizý mindetteldi.
