تەمٸرتاۋدا مەتاللۋرگتەر داڭعىلىنداعى جول جٶندەۋ جۇمىستارى جٷرٸپ جاتقان اۋماقتا بالا سۋ تولعان قازانشۇڭقىرعا قۇلاپ كەتتٸ. وقيعا مەتاللۋرگتەر داڭعىلى مەن امانگەلدٸ كٶشەسٸنٸڭ قيىلىسىندا بولعان, دەپ حابارلايدى dalanews.kz.
كۋەگەرلەردٸڭ ايتۋىنشا, بالا اتا-اناسىمەن بٸرگە جٷرگەن. ولاردىڭ سٶزٸنشە, جٶندەۋ جٷرگٸزٸلٸپ جاتقان اۋماق جەتكٸلٸكتٸ جارىقتاندىرىلماعان ەرٸ قاۋٸپسٸزدٸك قورشاۋلارى تالاپقا ساي ورناتىلماعان.
تەمٸرتاۋ قالاسىنىڭ تۇرعىن ٷي-كوممۋنالدىق شارۋاشىلىق بٶلٸمٸ بالانىڭ اۋرۋحاناعا جەتكٸزٸلگەنٸن حابارلادى. قازٸرگٸ تاڭدا ونىڭ جاعدايى تۇراقتى دەپ باعالانۋدا.
وقيعادان كەيٸن مەردٸگەر ۇيىمعا قۇرىلىس الاڭىنداعى قورشاۋلاردى كٷشەيتٸپ, قاۋٸپسٸزدٸك شارالارىن قاتاڭداتۋ تاپسىرىلدى. سونداي-اق مۇنداي جاعدايدىڭ قايتالانباۋى ٷشٸن قوسىمشا قاۋٸپسٸزدٸك تالاپتارىن ەنگٸزۋ مٸندەتتەلدٸ.
