Aıtýly sharany Ordabasy aýdany ákiminiń mindetin atqarýshy Ǵ. Úsenbaev, aýdandyq mádenıet jáne tilderdi damytý bóliminiń basshysy Q. Jylqybaı, «Nur Otan» partıasy Ordabasy aýdandyq fılıaly tóraǵasynyń orynbasary B. Jákeı ashyp, qoǵam dertine aınalǵan qylmysty boldyrmaýǵa árbir azamat atsalysýy qajet ekendigi aıtyldy.
«Ózekti órtegen ókinish» qoıylymy qazirgi tańda jegi qurttaı kemirip, qoǵamdyq sıpatqa salqynyn túsirgen keleńsizdikke boı aldyrǵan shyndyqtar jaıynda syr shertedi. Suryqsyz sybaılastyqqa boı aldyryp, jeke ómiri ǵana emes óz ortasy men otbasynyń da basyn qaterge tikken jaıttar sanaly ǵumyr sahnasynyń keıipkerindeı el aldynda oryn alyp, qanshama taǵdyr tar qapasqa baılanyp, otbasy kúırep jatqany jasyryn emes. Bir kúndik dúnıe ázázilimen óz ómirine balta shapqan teris pıǵyldyń kóleńkesi eńbek etken orta men elimizdiń damýyna da zıany orasan. Atalǵan jaıttar jaıly kórermen kózine jas aldyra sahnalaǵan aýdandyq mádenıet úıiniń qyzmetkerleri jas óskinder júregine de durys jol men tárbıe dánin sebe bilgendeı.
Qoıylym rejıseri – Perızat Baımahanova.
«Temirlan» halyq teatry buǵan deıin de tálim-tárbıege shaqyratyn kóptegen qoıylymdarmen el alǵysyna bólenip keledi. Teatrda aýdandyq mádenıet úıiniń 25-ke jýyq qyzmetkeri eńbek etýde.
Túrkistan oblysynyń Mádenıet jáne halyq shyǵarmashylyǵy ortalyǵy
