Úkimet otyrysynda premer-ministr Oljas Bektenov temirjol vokzaldary men stantsiialarynyń jaǵdaiy syn kótermeitinin málimdedi, dep habarlaidy Dalanews.kz.
Memleket basshysy Qazaqstandy tolyqqandy kólik-logistikalyq habqa ainaldyrý úshin naqty tapsyrmalar qoidy. Premer-ministrdiń aitýynsha, temirjol salasynyń damý áleýeti zor jáne ol ishki jáne tranzittik júk tasymalyn arttyrýda mańyzdy ról atqarady.
"Alǵa qoiǵan maqsattarǵa jetý úshin biz temirjol infraqurylymyn jańǵyrtyp, jańa logistikalyq ortalyqtar salyp jatyrmyz. Sonymen qatar vagon parkin jańartýda turaqty jumystar júrgizilýde. Bul sharalar elimizdiń kólik júiesiniń tiimdiligin arttyryp, ótkizý qabiletin ulǵaitýǵa múmkindik beredi. 2029 jylǵa qarai tranzittik tasymal kólemi 28 mln tonnadan 45 mln tonnaǵa deiin, al tranzit jiyrma fýttyq balamadaǵy 2 mln konteinerge deiin ósedi", - dedi Bektenov.
Sondai-aq, Premer-ministr infraqurylymdyq máselelerge de toqtaldy. "Ortalyq Aziia elderi halyqaralyq kólik baǵyttaryndaǵy oryndary úshin básekelesip jatyr. Biz de óz infraqurylymymyzdy jetildirýimiz kerek.
"Shyǵys-Batys" baǵytyndaǵy tranzittik tasymaldardy ulǵaitý úshin kedergilerdi alyp tastaý qajet", - dep atap ótti ol.
Bektenov ótken jyly 2,8 myń shaqyrymnan astam temirjol jóndelgenin aitty. Degenmen, shekaradaǵy júkterdiń turyp qalýyna qatysty biznes tarapynan shaǵymdar áli de túsýde.
"Sondyqtan shekaradaǵy memlekettik qyzmetterdi sapaly ári jyldam kórsetý úshin barlyq rásimderdi aiaqtaý kerek", - dedi ol.
Premer-ministr temirjol vokzaldary men stantsiialarynyń shamamen 90%-y jóndeýdi qajet etetinin atap ótti. Osyǵan bailanysty ol Kólik ministrligi men "Qazaqstan temir joly" kompaniiasyna negizgi infraqurylymdyq jobalardy iske asyrý úshin qarjylandyrý kózderin anyqtap, naqty mehanizmder ázirleýdi tapsyrdy.
"2028 jyly jolaýshylar vagondarynyń parki 3 myń birlikten asady, bul ishki suranysty tolyq jabýǵa múmkindik beredi. Biraq jeke tasymaldaýshylar vagondardy jańartýda qiyndyqtarǵa tap bolýda, sondyqtan olardy qoldaý sharalaryn ázirleý qajet", - dedi Bektenov.
Premer-ministr Aqtaý portynyń infraqurylymyn jaqsartý jumystaryn jedeldetýdi, sondai-aq konteinerlik hab salyp, Aqtaý portynyń túbin tereńdetýdi tapsyrdy.
