Telegram arnalar Toqaevqa tutqiyldan tap berdi habarlaidy Dalanews.kz.
Prezident kómekshisi Erlan Qarinniń kárine ushyraǵannan keiin atyshýly arnalardyń birazy boi tasalap, saiasi intrigamen ainalysýdy doǵarǵan syńaily edi.
Sońǵy bir-eki aptanyń bederinde Toqaevty nysanaǵa alǵan kontent kúrt artyp, jaz boiy beiǵam jatqan arnalar qaita tirilgen túri bar.
Toqaevqa shúilikken telegram arnalar: "Prezidenttiń oryntaǵy shatqaiaqtap tur. Qos bilik qaityp oralady. Eldegi saiasi elita ekinshi prezidentti jaqtamaidy. Nazarbaev qaitip oralýy múmkin. Toqaevtyń joldaýy súreńsiz shyqty. Demalystan oralǵan Elbasynyń sońǵy kúnderi qatarynan úsh resmi kezdesý ótkizgeni jáidan-jái emes. Toqaevtyń popýlistik málimdemede jasaýdan ózge joly joq. Arqa súieri halyq qana...", - degen syńaidaǵy qańqý-qaýesetti telegramdaǵy aýqymdy aýditoriianyń qulaǵyna quiýda.
Osynaý alyp-qashpa áńgimeniń arǵy jaǵynda Kremldiń suǵanaq saiasaty jatýy ábden múmkin. Telegram arnalardyń sarai tóńiregindegi saiasi intrigalardy Kremlge jaqyn derekkózderge siltep habarlaýy osy sózimizge dáiek bolsa kerek.
Aitqandai Aqparat ministri Aida Balaeva Hola news-ke bergen suhbatynda telegram arnalarǵa arnaiy toqtalǵan tuǵyn.
— Búrkenshek Telegram-arnalar bura tartar aqpar taratqan jaǵdaida memleket tarapynan qatań sharalar qabyldanaryn aitqan edińiz. Osy baǵytta qandai da bir qareket jasaldy ma? – degen saýalǵa Balaeva:
"Ázir oǵan qajettilik joq. Telegram-arnalardyń jetekshileri buǵan jetkizbes dep oilaimyn. Alýan túrli aqparat sapyrylysqan dáýirde ómirde ómir súremiz. Jalǵan aqparat tutas qoǵamdy quzǵa qulatýy múmkin. Belgili bir málimettiń ras-ótirigin anyqtap, feik bolsa onyń taralýyn tejeý maqsatynda Stopfake.kz saityn iske qostyq", – dep jaýap bergen edi.
