IIM tsifrlyq tehnologiialar arqyly jol qozǵalysyna baqylaýdy kúsheitip jatyr, dep habarlaidy dalanews.kz.
Vedomstvo málimetinshe, drondar, patrýldik kólikterdegi mobildi keshender, ortasha jyldamdyqty baqylaý júieleri jáne lazerlik keshender politsiia qyzmetkerlerine jol júrisi qaǵidalary buzylýyn anyqtaýǵa, qaýipti jaǵdailarǵa jedel den qoiýǵa, jol apattarynyń aldyn alýǵa kómektesedi.
"Ushqyshsyz ushý apparattary jol qozǵalysyn áýeden baqylaidy. Olar jyldamdyqty asyrǵan jáne jol júrisi qaǵidalaryn óreskel buzǵan júrgizýshilerdi tirkeidi. Eń bastysy drondar quqyqbuzýshylyqtarǵa jedel den qoiýǵa jáne jol apatynyń aldyn alýǵa kómektesedi. Patrýldik kólikterge ornatylǵan mobildi keshender de jol qozǵalysyn baqylaýda mańyzdy ról atqarady. Olar kólik aǵyny arasynan uialy telefon qoldaný, jaiaý júrginshige jol bermeý, jyldamdyqty asyrý jáne manevr jasaý qaǵidalaryn buzý siiaqty derekterdi avtomatty túrde anyqtaidy", - dedi politsiia.
Qala syrtyndaǵy joldarda kóliktiń ortasha jyldamdyǵyn baqylaý júiesi qoldanylady. Qazir bul júie respýblikalyq mańyzy bar 12 negizgi baǵytta engizilgen.
Sonymen qatar, jol apatynyń aldyn alý úshin lazerlik júieler paidalanylady.
