"Qazaqtelekom" Pih Communication LLC enshisine sai "Mobail Telekom-Servis" JShS Jarǵylyq kapitalyndaǵy qatysý úlesiniń 100%-yn satý jónindegi mámileni túiindedi", delingen innovatsiialar jónindegi bas direktor Nurlan Meiirmanovtyń qoly qoiylǵan "Qazaqtelekom" qujatynda.
"Shart 2025 jylǵy 14 qańtarda qatysýshynyń aýysýyna bailanysty keiinge qaldyrý sharttary oryndalǵannan jáne kompaniia qaita tirkeýden ótkennen keiin kúshine endi", — delingen qujatta.
Mámileniń aiaqtalǵany týraly súiinshi jańalyqpen "Qazaqtelekom" AQ Basqarmasynyń tóraǵasy Baǵdat Mýsin jelidegi jeke paraqshasynda bólisti.
"Ministr bolǵan kezimde Qazaqstandaǵy telekommýnikatsiia salasy tym monopoliialanǵanyn aityp júrgem. Memleket basshysy da ekonomikanyń negizgi salalaryn demonopolizatsiialaý qajettigin birneshe ret aitqan bolatyn. Búgin "Qazaqtelekom" AQ "Mobail Telekom-Servis" kompaniiasyndaǵy 100% úlesin Qatardyń Power International Holding holdingine satý boiynsha mámileni aiaqtaǵanyn qýana habarlaimyn. Power International Holding holdingi iri halyqaralyq oiynshy retinde Qazaqstannyń telekommýnikatsiia salasyn jańa deńgeige kóteredi dep senemin. Osyndai naǵyz básekelestik jaǵdaiynda operatorlarǵa baǵany tómendetip qana qoimai, sapaly qyzmet kórsetýine týra kelmek. Mundai ashyqtyq tásili naryqta innovatsiialarǵa jol ashyp, tutynýshylyq tájiribesin jaqsartatynyn basqa elderden kórýge bolady. Biz ashyq jáne básekege qabiletti naryqqa bet aldyq, budan tutynýshylar men biznestiń utary kóp ekeni sózsiz", delingen Mýsinniń jazbasynda.
Aita ketsek, alǵash ret "Qazaqtelekomnyń" Tele2/Altel brendterimen jumys isteitin óziniń mobildi aktivteriniń biri — "Mobail Telekom-Servisti" (MT-S) qatarlyq investorǵa satatyny týraly 2024 jyldyń aqpan aiynda belgili boldy. 2024 jyldyń maýsym aiynda TsDIAÓM basshysy Jaslan Mádiev mámile somasy 1 mlrd dollar bolatynyn shamalady (keiinirek bul somanyń 1,1 mlrd dollar ekeni naqtylandy). "Qazaqtelekom" 2019 jyldyń mamyr aiynan bastap jalǵyz aktsioner retinde MT-S-ti menshiktedi. Sodan keiin ol óziniń seriktesi — Tele2 kompaniiasynan Khan Tengri Holding B. V birlesken kásipornyndaǵy úlesin satyp aldy.
